زهقت من العلاقات اللي مبتكملش بسبب حساسيتي

Question

أنا بجد زهقت 
أنا دايما اي حد بيدخل حياتي بنتخانق كتير وعلاقتنا مبتكملش صحاب واي حاجه بالرغم من انه بيبقى بسبب انه الشخص ده بيدايقني 
مش عارفه ده بسبب اني مبعرفش أحافظ على علاقتي 
ولا ده بسبب اني شخص حساس جدا وأقل حاجه بتزعلني

Coffee_76974 🇪🇬 · Accepted Answer

كونك شخص حساس بيدور جوا دماغك اكتر من سيناريو، وكونك شخص اتعرض لصدمات نفسيه سببتلك وجع،، كل ده مش سبب ان علاقاتك بتفشل،، احنا مش بندور علي الشخص المثالي ولكن بندور علي الشخص اللي نتقبلة بعيوبة ويتقبلنا بعيوبنا،، يعني بندور علي العيووب اللي نتقبلها،، انت زي الفل ومش محتاج تبص لنفسك بنظرة سيئة عشان علاقة،، انت بس شخصية مش كتير موجود منها وفريدة نوعا ما، فهتلاقي شخص زيك يقدرك ويحترمك ويحترم مشاعرك

Coffee_58539 🇪🇬 · Answer

ممكن كلامك صح
ممكن هما اللى غلط فعلا
ممكن ظروف مش مناسبة
ممكن علاقات ضعيفة الطرف التانى مقدمش فيها اللى يخيكى متستغنيش عنه و حبه وجوده
ممكن محتوكيش كفاية

Coffee_76974 🇪🇬 · Answer

مش شرط يا صديقي،، احنا كلنا مش زي بعض،، هو تمام وهي تمام هو حب بطريقته وهي كانت عايزة تتحب بطريقة معينه،، منعرفش تفاصيل بس دي كله وارد،، اللي انا شايفه اهم الصورة الذاتية مينفعش تتأثر بسبب علاقة او رأي من برا،، القيمة الحقيقة بتيجي من جوا

Strawberry_89900 🇪🇬 · Answer

دي حقيقه بجد أنا من موقف بسيط بقعد افكر ليه الشخص عمل كده ليه معملش كده وهل أنا استاهل ده  
مش عارفه بجد اصل مستحيل كل دول الغلط فيهم هما وأنهم مش مناسبين

Strawberry_89900 🇪🇬 · Answer

معرفش الغلط فين بس بقيت احس انه فيا انا 
استحاله كل دول غلط كتير اوي بجد ف نفس الوقت أنا عارفه اني معملتش حاجه وحشه وأنهم مش شبهي ف لخبطه

Coffee_76974 🇪🇬 · Answer

هقولك الحقيقة،، بس هي رخمة شوية
محتاجة تحبي نفسك الاول،،، مش هتعرفي تحبي او تتحبي الا لو حبيتي نفسك
ومش هتعرفي تثقي في حدد ولا يثق فيكي الا لو وثقتي في نفسك... ده مش معناه انك وحشه بالعكس،، كونك اخدتي بالك من المشكلة دي بداية جميلة من شخص جميل محتاج يشوف جماله بينه وبين نفسه♡

Coffee_76974 🇪🇬 · Answer

طب ازاي هتحبي نفسك؟ 
الحل في الاختفاء شوية.. الاختفاء عن العالم والفون
دايما الشخص الحساس بيبقي مبدع،، شوفي هواية بتحبي تعمليها،، حاولي تتبسطي باقل الاشياء زي فنجال قهوة مثلا... اعملي حاجات تحسسك بقيمتك انتي،، انا طبعا مفهمش في امور البنات،، بس ممكن تحطي ميك اب في البيت جربي تسريحة جديدة اطبخي طبخة حلوة لنفسك بي كافئيها علي ابسط الامور،، اللي بيعرف يتبسط لوحده مفيش حاجة تقدر تعكنن عليه والله

Strawberry_89900 🇪🇬 · Answer

مهي المشكله اني بحب نفسي اوي بجد وواثقه ف نفسي بس مفيش بقى ثقه ف الي حواليا خالص ها بقى فين المشكله 🥺

Strawberry_89900 🇪🇬 · Answer

أنا بتبسط لوحدي وبحب أبقى لوحدي
 بس بيجيلي وقت بفكر ليه كل دول سبتهم وانا نسيت اقول ان اغلب الوقت أنا الي بسيب عشان مبحبش حد يدايقني ولا يوجعلي دماغي ومبديش فرص إلا لو الشخص فارق معايا جدا ودي حاجه نادره انها تحصل ومبقتش تحصل حاليا

Coffee_76974 🇪🇬 · Answer

انتي حلتيها اهو،،،، طالمل مفيش حد قدر يستحق ثقتك وتديلة الامان يبقي لسه محاش... ومتقلقيش هيجي اللي يلغبطلك دنيتك ويسنيهالك خالض،، بس سيبيها علي الله واتبسطي بطولك وكل ما تحلوي وتطوري نفسك كل ما هيجيلك شخص افضل،،، لان كل واحد بياخد اللي شبهه واللي يستاهله يا غالية

Strawberry_89900 🇪🇬 · Answer

إذا كان كده خلاص أنا مستنيه اهو 🥹
شكرا اوي بجد

Coffee_76974 🇪🇬 · Answer

مكانك في اي وقت ♡