هفضل انشر البوست عشان أكبر قدر من الناس اللي محتاجاه تشوفه السلام عليكم مبدأيا انا برد على اي حد تايه ومش فاهم نفسه او متضايق او حاسس أحاسيس وحشه بقوله يسمع سلسلة تأسيس فهم التعافي وبعدها سلسلة التعافي والله يا جماعه السلسلة رائعة فوق الوصف محدش هيفهم كلامي غير اللي سمعها فعلا د. عماد رشاد بيتكلم عن كل حاجه بتحصل ف النفس البشرية وكل شعور بنحسه وبيشرحه بالتفصيل وبيشرحه ليه بنحسه ونتعامل معاه ازاي يعنى مثلا موضوع العصبية الزايدة اوي وعايزه اكسر حاجه او اضرب حد لما اتعصب دا مش غضب دا شعور استياء يعني غضب ماخرجتوش فاتركن جواك على غضب من موقف تاني ماخرجتوش فأصبح جواك غضب معتّق مستني حد يتنفس جمبه عشان يطلع في حلقه بيتكلم عن التسويف وليه بنسوّف حلقه بيتكلم عن العلاقات المؤذية وليه بنفضل فيها و هكذا المهم ان السلسلة رائعة ومفيدة جدا جدا ومش عارفه انا ماسمعتش عنها قبل كدا ازاي وليه مش مشهورة ومعروفة رغم فايدتها الحاجة التانية سلسلة التحرر من الماضي ودي بيتكلم فيها عن صدمات الطفولة وتأثيرها علينا لما كبرنا ودي تحفة بردو بنصح اي حد عايز حياته اهدي و أروق يسمعهم

3

5