بيلازمني دايمًا شعور بحاول أنكره.... لما حد بيقولي لما نكبر خالص هنعمل كذا مش بدي إهتمام خالص للجملة، بيبقى جوايا شعور إن أنا مش هعيش للوقت دا أبدًا، همشي بدري، سبحان الله مهما طردت الأفكار دي بتفضل جوايا، والحقيقة إن دا أمر مرهق جدًا جدًا بالنسبالي:") بقول الكلام دا لي؟ مش عشان حد يقولي بعد الشر أو كدا مش دا غرضي من الكلام، ولكن الإنسان عامة وبالأخص الشباب اللي زينا بنميل للتأجيل بنبقى فاكرين نفسنا بُعاد جدًا عن الموت، لسا قدامنا العمر طويل نقدر نتوب فيه براحتنا ونحقق أهدافنا ونمشي على الخطة اللي نفسنا فيها من زمان أوي! هناخد كورسات، هنروح جيم، هنشترك في الدورة الفلانية، هنزل أحفظ قرآن، هغير لبسي للأحسن وتأجيل في تأجيل لحد ما نستنى الظروف المثالية اللي ممكن متجيش!"" الدُنيا مش سهلة ومجرد ما تاخد حيز كبير في قلبك ممكن متفوقش غير بعد عمر طويل للأسف!") لو هقدر أنصحكم بحاجة خدوا خطوة سواء إنكم تبدأوا في خطوة جيدة في حياتكم أو تتخلصوا من عادات سيئة بتقوموا بيها، خليكم حنين على أهلكم وحبايبكم وأصحابكم محدش فينا ضامن أي حاجة في الدنيا المُهلكة دي والله":)) الله ينزع من قلوبنا حُب الدنيا ويرزقنا أعوام مديدة في طاعة وعافية، الله يجعل الحياة هيّنة مُرضية لقلوبِنا ويرزقنا الفردوس الأعلى يارب:"))🖤🦆

0

3