صاحبتي قريبتي مخباية عني تفاصيل خطوبتها ومش عايزة تحكي

Croissant_21327 🇸🇦

منذ 3 أيام

شعور غاضب جدًا

المفروض انا وصاحبتي قريبين من بعض اويي وكنا حرفيا بنتشارك في أدق التفاصيل سوا بس اللي حصل انها من 6 شهور سافرت وطولت ولما رجعت حسيتها متغيرة كدا و مش زي الأول ومش بتحكيلي حاجة ولا بتشاركني حاجة زي زمان! انا متجوزة ليا سنة و شوية و هيا لما رجعت من السفر كانت وسط الكلام كدا قالتلي ان لو حصل و اتخطبت مش هتقولي غير بعد ما الموضوع يتم!! انا اتصدمت وقتها و اخدت الموضوع هزار فجد و قولتلها والله؟ يعني لما يحصل حاجة مش هعرف! قالتلي اه عادي عشان بس الموضوع يتم وكدا 🙂 انا وقتها فعلاً زعلت و اتصدمت من اللي قالتو و قد كان هيا اليومين دول جالها عريس و بتقابلوا و كدا و الموضع احتمال يتم،. بس مخبيك عني تفاصيل و لما بسالها فحاحة بترد علَ قد السؤال وخلاص و مش عايزة تحكيلي حاجة! هل شايفين اني اقعد معاها و اعاتبها ولا المفروض اعمل ايه! انا متضايقة اوي

زعلانة من صحبتي اللي مهنتنيش بعيد ميلادي

احنا صحاب مدرسه من واحنا صغيرين صحبتى السنه دى مهنتنيش بعيد ميلاد رغم أنها عارفه و شافت البوست و مقاليتش حاجه ولا اى كلام و بعدها ب اسبوع كنت بكلم واحده صحبتى تانيه من مدرسه برضو أصحاب شله يعنى ف بتقولى أنها صحبتى الاولى دى هتعزمنا ف رمضان ( هى كانت قايلالى يعنى نتجمع يوم عندها ف رمضان و كدا بس يعنى ) المهم و صحبتى التانيه كملت كلامها و بتقولى أنها هتعمل لينا مفاجأة يعنى و نحتفل فى بيتها بعيد ميلادى انا و هى و صاحبتى التانيه انا ف شهر 2 و هما ف النص التانى من شهر 3 تمام ف لما جت ساعة العزومه و بتقول نتجمع عندها مردتش عليهم ف صحبتى التانيه قولتلها تعرفها انى زعلانه عشان مهنتنيش بيوم ميلادى و كدا و اروح لها ازاى و انا زعلانه ف قولتلها تقولها انى بس زعلانه مش اكتر و مش هروح عشان كدا و انا ف الجروب قولتلها انى out و كدا مش هاجى يعنى و اتحججت بالشغل و كدا و عيد ميلادها جه دلوقتى و بعتلها كل سنه و هى طيبه فقط و مردتش عليا و لحد دلوقتى مفكرتش أنها تكلمنى تصالحنى او عشان مزعلش منها و كدا ف دا اى دا بقى رغم أنها عشرة عمر و الأقرب ليا ...عرض المزيد

9 الدعم

5 نصيحة

مشكلة مع صاحبتى.. هتخلينى أضايق ولا أنسحب؟

أنا عندى صاحبة من زمان قربنا من بعض فى فترة إعدادى لأننا جيران ف كنا بنروح و نيجى مع بعض بس مش اكتر و كان عندنا ناس صحابنا كانت هى طول الوقت بترتاح فى الكلام معاهم لأنهم بيحبوا الضحك و الهزار وكدة و اى حاجة بيقلبوها ل ضحك و هزار حتى لو احكام فى الدين إنما أنا أقل الاشياء بحب افكر فيهم بعقلى و وقت الجد جد و الهزار هزار ف هى اختلفت مع صحابنا دول لسبب ما أنا كنت حذرتها انها تعمله كذا مرة و هى عملته و اكتشفت بعدها إن هى غلط و اختلفت معاهم أنهم ليه يشجعوها على حاجة غلط و لانه ظهر كذا موقف باعوها فيه ف قربنا أنا و هى من بعض و بقينا صحاب قوى بس انا لسه حاطة حدودى بينى و بين اى حد المهم إن هى اغلب الوقت مش فاهمة وجهة نظرى و دايما خلافاتنا على كدة دخلنا الكلية و انا كونت صحاب من القسم بتاعى و هى كونت صحاب من القسم بتاعها و بحكم أن احنا ساكنين مع بعض في السكن الجامعي ف جت ليا مرة المدرج و اعترفت على صحبتى و خدت رقمها و بتتكلم معاها و بتقولها سيبك منها خليكى صحبتى أنا قدامى و إن أنا بزهق و مش بخرج كتير و بتتريق عليا قدمها على حاجات تافههة و لما بتكلم معاها بتقولى أنها بتهزر و لما يقولها إن ده مش هزار بتقولى علشان أنا اللى مبهزرش و ده العادى حاولت كتير ابعد عنها من غير ما تبين لها و اسحب نفسى بشويش يلاقيها بتلزق لى و بنقولى متغيرة ليه و كدة و بتقولى أنها بتهزر و بعدين يحصل ليها مشكلة ف بتصعب عليا و بقول يمكن نيتها مش وحشة لحد ما قالت ليا أن القسم بتاعى وحش مع العلم انى كنت جايبة مجموع أعلى منها بكتير و هى كانت بتقولى أنها نفسها كانت تجيب مجموع أعلى علشان تدخل معايا القسم و كل كلامها أنها احلى و إن كذا شخص عاكسها و كذا شخص كلمها و كذا شخص اتقدم لها و بصراحة انا زهقت لأنها بتكبر المواضيع لدرجة أنها بتحسسنى انها محور الكون و انا وحشة مع انى جمالى متوسط عادى يعنى و هى كذالك و كنا ماشيين فى مرة ف كان هيحصل لنا حادثة و العربية كانت هتخبطنا و جرينا و انا كنت ناحية العربية ف بعد ما بعدنا شوية بقولها الحمد لله بجد الواحد اتخض و كان خايف يحصل حادثة و كدا راحت قايلة ليا انت عادى مش مشكلة كنتى موتى و خلصتينا لكن أنا فيه ناس عايزاني كأنى مثلا من الشارع أو مليش أهل أو حاجة و بتقول كدة بكل برود و بضحكة و لما اتضايقت قالت لى بكل برود كنت بهزر قلت لها أن ده مش هزار اصلا و لو هى بتحبنى مكنتش فكرت فى الجملة دى مش قالتها بس راحت قايلة أن انا مكبرة الموضوع و يقف ليها على الواحدة و كمان كان فيه واحدة صاحبتنا فى السكن لسه عارفينها بتقولها يلا علشان نعمل اللى اتفقنا عليه راحت قايلة ليها انت بتقولى قدامها ليه ( اللى هى أنا ) ف بقولها فيه ايه يعني انا مش مش عايزة اعرف انتوا عايزين تعملوا ايه اصلا ف راحت قايلة ليا أنا اصلا مكنتش هقولك و قالت لصاحبتنا اياكى تقولى ليها هنعمل ايه قولت لها متقوليش أنا اصلا مش مهتمة انى اعرف و متكلمتش و كل مبرراته انها بتهزر و انا مش بفهم فى الهزار و مش بعرف اهزر مع أنه أنا بهزر عادى بس كل حاجة ليها حدود و لو ههزر هركز انى مضايقش اللى قدامى ولا أخرجه قدام حد ف ياريت حد يقول اتصرف معاها ازاى من غير ما اضايقها أو انسحب ازاى من صداقتنا من غير ما نجرح فى بعض ...عرض المزيد

5 الدعم

2 نصيحة