صحبتي خدعتني مع خطيبي و خطيبي خدعني مع صحبتي أنتيم أنا كنت في علاقة مع شخص من جزائر العاصمة و أنا من عين دفلى شخص هذا كان يحبني و أنا تان نموت عليه و يعاملني مليح ويصرف عليا وهذا شئ كنت تحكيه لصحبتي بما انو كانت أنتيم ليا ونديها معايا نفطرو و نخلص عليها وكلش و جازو اليامات و هذا الإنسان خطبني و كانت الفرحة مش واسعتني و كان يجي عندي لافاك يهبطني أنا وصحبتي بطونوبيل حتى وحد النهار جات صحبتي وقاتلي بلي تخطيت حتى هي و كما تعرفو الجملة شهيرة تاع كلش جاز بالزربة معليش هاذي في نهاية حاجة تخصها وتعرض لي تحب ولينا تجهزو كيف كيف ودنيا حلوة كل ما نقولها وريني خطيبك تتهرب أما مزال ما بعنوان تصاوير اماً تبدل الهدرة انا لاحظت وموليتش نسقسي الحاجة وحدة عرفتها انو هو تان من دزاير معليش دارت عرسها في دارهم قبلي رحت ليها و درت لها كادو وفرحت معاها على أساس ختي و زادت عرضتني في عرس راجلها كيفاش حتى منعرف عرضتني و رحت معاها و ديت حوايجي على أساس نبات وكلش بخير بدأ العرس الأنظار تاع صحباتنا تاع لافامي تاعها تاع أي واحد في العرس كان عليا حتى مولات ديجي كنت نحسهم يشوفو فيا من تحت لتحت وكآمل يستناو في حاجة بصح واش هي ؟ جاز العرس ووصل وين العريس يدخل يخرج عروسته و دخل وقف قدام العروسة لي هي صحبتي في لاسان كان هو إيه هو كان واقف معاها في زوج شافو فيا و شفت فيهم و ديك اللحظة لي في صالة كامل شافو فيا جات وحدة صحبتنا حطت يدها على كتفي و قاتلي "متزعفيش كلش بالمكتوب " هاذيك اللحظة كيفاش نوصفها ؟ مراكش تحسو بالنص من الوجع لي حسيتو شفت في صحبتي و قتلها معليش كلش بالمكتوب و رحت رفدت صوالحي فاليزتي و تيليفوني و خرجت وكل الأنظار عليا ما بكيت ما قتلو علاش ما قتلهم خداعين صوت داخلي الوحيد لي كنت نسمع فيه في راسي هو مالكيش راهم كامل يشوفو فيك متلمسي نتي تستاهلي ما خير منهم هما خداعين في زوج نتي ماشي كما هما من لي خرجت من لاصال وأنا نمشي ونبكي معلاباليش وين روح ليل وكان زمان شتاء كنت ندعي في ربي يعطيني شويا صبر باش ما نرميش روحي عند تران ولا في البحر ديك الدقيقة لي مابكيتش فيها خلاتني طول حياتي نبكي على صوالح تافهين مقدرتش نحل قرعة تاع ماء نبكي ضباط مدخلين في رجلي نبكي رحت لطبة نفسين على جال هدا شئ مي مكاش فايدة لي فاتو في حالة كما هاذي يعطوني واش دارو باش براو مقدرتش نتخطى بغيت نقولهم في لافان إذا ربي سمحلكم أنا منسمحلكمش حسبيا الله ونعم الوكيل

2

2