انا لسة صاحي من ربع ساعة كدا، أول مرة في حياتي تقريبا اصحى أعيط بجد من حلم, هو حلم يبان بسيط ومفهوش حاجة، ممكن يبان اني بأڤور او فرفور بس يعني مش مهم، انا حلمت بأيام لما كنت في ابتدائي (انا دلوقتي 18 سنة) حلمت أيام لما كنا في ابتدائي وبنلعب خلاويص في الحوش بتاع ابتدائي في البريك الكبير، ودي كانت اقصى متعة بالنسبة لنا ساعتها انا فاكر كان دا بيبقى احلى جزء في يومي، مع اننا كنا الشلة اللي هي كانت يعني بيتريقوا عليها العيال المتنمرة والكلام دا، بس مكنش حد بيقدر يزعلنا بجد علشان احنا كنا مع بعض، انا مش قادر اتخيل اني بعيط تاني وانا بكتب الكلام دا دلوقتي، هو احساس بنوستالجيا او حنين إلى الماضي بشكل مرعب بصراحة وحشتني اوي الايام دي، ومتضايق إن كل واحد راح في حتة ومبنتكلم او مش بنتقابل بقالنا حبة حلوين اوي للأسف انا سبتهم في تالتة اعدادي علشان هما كملوا ثانوي عام وانا حولت IG دا نظام ثانوي تاني، من ساعتها واحنا بنبعد بجد الاحساس اللي حاسس بيه دلوقتي مش عارف اشرحه بس انا مبسوط اني حلمت كدا وفي نفس الوقت الموضوع دمرني، علشان الايام دي بالنسبة ليا كانت احلى أيام بجد

1

0