21 سنه وضغط أهلي على الجواز بقى بيأكل في عقلي

Question

قولولى اتصرف ازاى عندى 21 سنه لسه متخرجه بشتغل الحمدلله بس مفيش حد فحياتى وبجد الموضوع مش مزعلنى ابدا بالعكس رافضه الحب والجواز مقفوله من الفكره خالص ومش عايزه حد فحياتى حاليا المهم ضغط اهلى رهيييب والله كل يوم وكل ساعه يلا يلا شوفى مفيش حد مفيش حاجه وماما تفضل تدعى كأنى حمل او خلاص كبرت وبابا مرعوب ان انا اقعد متجوزش بكبر دماغى بس بزعل يجماعه بيخلونى افكر الى هو يلا عايزه اى حد بس عشان ارتاح من الضغط اى مكان اى حته اروحها بيكون ده تفكيرى بسبب خوفهم الى نقلوه ليا وضغطهم عليا بقيت اخاف انا كمان مع انى مش عايزه بس الخوف بياكل فعقلى

Tofu_76193 🇪🇬 · Accepted Answer

انا عندى ٢٠ وزيك كدا  اهلى بيضغطوا عليا بكلامهم بالموضوع ده وغصب عني بزعل طبعا بس ف نفس الوقت انا بتجاهل الكلام وعارفه من جوايا ان  نصيبي لو اتأخر هيفضل برضو نصيب  وكل حاجة طبعا اتكتبتلى من قبل ما أتولد فمفيش داعي للقلق وان اتأخر أهم شىء يكون ف الوقت الصح والمناسب وتكوني انتِ جاهزة للموضوع ده مش مجرد كلام سمعتيه وعشان كده عاوزة علشان تسكتي الألسن ، طبيعي ع فكرة كل الأهل كده مش انتِ بس وربنا يزرقك

Watermelon_69433 🇰🇼 · Answer

أهلك مش دايمنلك علشان كده عاوزينك يبقالك بيتك وعيلتك الهتدوم معاك

Chilli_77815 🇪🇬 · Answer

فضي دماغك من كل دا .. ياريت لو تقدري تعرفي نفسك اكتر وايه محتاجاه وايه محتاجة تحسنيه وايه محتاجة تشتغلي عليه في نفسك 
حاولي تتابعي مع therpist وكمان live coach يساعدوكي اكتر في تخطي الضغط دا وانك تتعاملي معاه 
وكمان تقدري تحددي مواصفات الشخص اللي ممكن تشاركيه حياتك بناء على شخصيتك وتعرفي ازاي تتعرفي عليه وتحددي صفاته .. دي نصيحة لو عملتي بيها هتعرفي اثرها في وقت قريب وهترتاحي

Apple_22069 🇪🇬 · Answer

يابختك والله انا عندي ٢٣ واهلي محسسني اني بيبي صغيرة حتي شخصيتي محينها ومحدش بيقولي علي الحوار ده خالص بالعكس هما شايفيني مش مؤهله حاسة انهم شايفني عبيطه او هعرهم 💔💔

Mango_70768 🇪🇬 · Answer

حببتي انتي 21 سنه صغيرة اوي ليه كل القلق والتوتر دا