ليلة شتاء حزينة ورسالة طمأنينة: طبع الحياة

Marshmallow_28254 🇪🇬

منذ يوم واحد

شعور مرتبك

اذيكوا.. شكلها ليله من ليالي الشتاء الحزينه قاعده بسمع أغنية قديمة للهضبة، سرحت في فكرة إننا دايماً بنعاند (طبع الحياة). بنحاول نتمسك بحاجات خلصت، وبنوجع قلبنا باللي فات، مع إن الحقيقة الوحيدة إننا لازم نعدي عشان نعيش. حبيت أدخل أهديكم الحالة اللي في الأغنية دي.. حالة الرضا إن كل شيء بيمر، وإن مفيش حزن بيفضل للأبد. النسيان مش حاجة وحشة، ده أكبر طبطبة من ربنا لينا عشان نقدر نكمل ونفتح قلوبنا لحاجات أحلى بكتير لسه مش شايفينها. هونوا على نفسكم، وسيبوا الأيام تاخد وقتها في المداواة، وافتكروا دايماً إن بكرة شايل حاجات تفرحنا أكتر بكتير من اللي ضاع مننا. يومكم كله جبر خاطر وراحة بال.. 🤍✨ (طبع الحياه )

حياتي معركه مع الحياه مش عارف خطوتها الجايه

مرحبا بالشتاء شهر 12 اكتر شهر مش بفهمه وفاه والدي وفاه عمي اخر شهر في السنه اكن السنه بتقولك يا بودعك بذكريات تفضل فاكرها علشان لما تدخل السنه الجديده مش تنساها اكن الحياه بتقولك يا اهلا بالمعارك كل يوم في السنه بحس اني نازل معركه مع الحياه ساعات اكسب ساعات تكسب اتعلمت أن محدش بيكسب الحياه بس الحياه هي اللي وخدني خصم ليها من زمان مره تسرق حد مني بالوفاه بعد ما اكون افتكرت اني امتلكتها القي حد خبر مره وفاه مره سفر حد اخويا مره اتعب كل ما اقول كسبت ترجع تفجاني بحركه مش متوقعها انا واحد حبيت الشطرنج بعمل حساب خطوة اللي قدامي وخطوتين وتلاته كمان ليه الا الحياه عمري ما فهمتها ولا عرفت خطوة ليها كل ما اقول كسبت خلاص القي خبر يرجعني تاني اكنها بتضحك عليا بسمع صوتها بيقولي كسبت يا مهوم محدش قدر يكسبني بس الغريب انها عمرها ما خلصت عليا مهما حصل لازم تسبني عايش مش عارف ليه اكتر من مره كان عندها فرصه نخلص عليا وترجع انا وهي وعارفين كويس أن مفيش حاجه اسمها انتصار مطلق انت مره وانا مره لكن انتصار مطلق ولا انا قدرت اعمل ده ولا هي عملته مش عارف بقي ده خوف مني ومنها ولا اتعودنا علي بعض ومحدش يقدر يستغني عن التاني المهم حاليا اني لسه موجود وهي كمان موجوده ...عرض المزيد

3 الدعم

1 نصيحة