الوقت دلوقتي شبهه أحلامى أكتر وقت دافى يقدر الإنسان يغمض عنيه فيه وضى الشمس يلمس وشه ويحاوطه كأنه سلاسل من دهب.. وقت بيتجدد فيه الأمل بعد ليل طويل من التفكير والأنتظار.. مع كل طلعة شمس ف نفس التوقيت دا بقول لنفسى أكيد هيجي يوم هيكون ليا نصيب الشمس أتحاوط بدفاها جوا جنينة بيتى الصغير وانا سامعة صوت أكتر ناس بحبها في البيت .. ناس لسه معرفهاش إن ف أقداري مكتوبلى طلعة شمس تشرق جوا قلبي ونورها يملانى و دفاها يضيع رطوبة روحى وينسيني ليل الذكريات ليل طويل اوى كان جوا روحى من غير شمس.. طلعة شمس هيبقى ليلها نهاية الإنتظار والأحلام المتأخرة والوجع والخذلان ونهارها بداية لكل شئ نفسي فيه بأكتر طريقة مبهرة بأجمل طريقة مجتش حتى في خيالى.. شمس مينتهيش نورها ولو غابت يفضل اثرها جوايا لحد م تطلع تانى.. انا بحب الليل والضلمة وسكون الليل وهدوءه وبحب أكون لوحدى لكن لازم الشمس تطلع

3

4