طول عمري كنت البديل عمري ما كنت الاساسي ، طول عمري انا الشخصيه الثانويه حتي ف حياتي ، انا مش شخص بيدور علي الاهتمام و برتاح اني شخص مش مرئي اصلا و دي الsafe zone بتاعتي ، بس الموضوع اني مش بطلع علي المسرح او حد بياخد باله مني غير لما اعمل حاجة غلط ، و بكون الشخصيه الرئيسيه في التنمر و الزعيق و الكره ، مع اني معملتش كميه مصايب كتير يعني زي الي ف سني ، و طول الوقت بحس اني مش كافيه ، عيلتي ديما بتبص علي الي ناقصني بس ، يعني انا مختمرة و حافظة القرآن و بصلي و بصوم و دلوقتي بتعلم سنه و تفسير و فقه الحمد لله ، بس عيلتي عمرها م شافت الجزء دا ، عمرها م فرحتلي لما اخد شهادة او اتكرم او اعمل اي حاجة كويسه ، و لو غلطت غلطة بسيطة الدنيا تتقلب ، انا شخص بيكره الساينس الي هو العلوم و مش بفهمة ، حاولت كتير و بذاكرة و بعرف احل بس لازم اغلط فيه لاني بشر و لاني مش بحب المادة دي و دا طبيعي ، لازم يكون الشخص في حاجة بيعرف يعملها و حاجة لا ، امي بقا بتسيب كل المواد التانيه الي بقفل فيها و تمسك ف الكمستري و الفيزيكس و تشتم فيا و تقولي انتي ملكيش لازمة و تقارني باختي ، علشان اختي كانت كويسه ف المواد دي ،و مع اني كويسه في الادب و الجغرافيا و التاريخ عكس اختي بس امي عمرها ف بصت علي دا ، و من ناحيه اختي بقا ف لما اتقبلت ف كليه (كليه عاديه اي حد بيتقبل فيها) عملت حفله حرفيا و بعد سنتين لسه بتتكلم علي انجاز اختي الخارق زي ما بتقول ، و انا بتفرج من بعيد بكل شهاداتي الي مبتتعداش بمختلف المجالات زي تصميم ازياء ، لعب رياضيه ، دين و حفظ قرآن ، لعب ذهنيه و منح دراسيه برا مصر امي رفضتهم علشان زي ما بتقول مش هنجح فيهم ، طول حياتي عشت شخص غريب عني بيحاول يشوف ف عينيها نظرة فخر بس عمرها م بصت عليا ، مش عارفة الموضوع ميضايقني بس بفكر حتي لو هي شافتني و قدرت الي انا بعمله ف مش هتفرق ، لاني دايما حاسه اني ناقصه حتي لو عملت اكبر انجازات ف الدنيا

6

0