فيه ظاهرة غريبة بنشوفها أوقات، وحابب أفضفض فيها من باب إننا في رمضان وبنراجع نفوسنا.. ​ليه بعض البنات لما ترتبط أو تتخطب، فجأة 'نضارة الرجولة' عندها مبيشوفش فيها غير خطيبها بس؟ وبتبدأ توزع ألقاب زي 'ذكر بالبطاقة' أو تنقص من قدر رجولة ناس تانية حواليها (زمايل أو معارف) لمجرد إنهم مش هو! ​الموضوع ده مستفز جداً.. لأن الرجولة مواقف، وتعب، وسعي، وأصل.. ومينفعش عشان 'حالة حب' أو 'انبهار ببدايات'، نقوم هادّين في كرامة ناس تانية وننكر وجودهم وتعبهم. الاحترام حق لكل راجل بيتقي ربنا في شغله وفي تعامله، والتقليل من الناس مش بيكبّر حد، بالعكس ده بيبين قد إيه الشخص لسه 'خام' في فهم معادن الرجالة. ​هي كلمة ووجعت، بس الحقيقة إن اللي مبيشوفش غير نفسه واللي يخصه، بيبقى فايته كتير من معنى الإنسانية والإنصاف تخيل لما تكون في بيئة شغل، وواحدة تقسم بالله إنك اتحسنت جداً في شغلك وبقيت متميز، وأول ما ترد عليها بتلقائية وعفوية وتقول كلمة حق عن الرجولة أو الأصول، تلاقيها قلبت الوش التاني خالص! ​توصل بيها الدرجة إنها تعمل حركات استفزازية بإيديها (زي ترجيع الصوابع لورا) كأنها بتقولك 'كلامك ده بلّه واشرب ميته' أو 'أنت متجيش حاجة في اللي ورايا'. الحركة دي في لغة الجسد قمة في الاستعلاء وعدم الاحترام، وبتثبت إن الثناء اللي قالته في الأول مكنش طالع من قلبها، أو إنها عندها مشكلة نفسية في تقبل إن فيه حد حواليها له شخصية وكيان. ​أصعب حاجة إنك تعامل حد بمهنية وبنفس صافية، وتلاقيه بيحاول يكسر فيك بحركات صبيانية عشان بس يحسسك إنك أقل منه أو من الناس اللي تخصه. بجد اتعلمت ان مش معني ان حد بيقسم او بيحلف يبقى صادق هي بتعمل كدا عاوزاني ابقى كويس ومجتهد مش عشاني عشان لو بقيت subject matter for development ممكن افيد التيم بجد حاجه منتهى السطحيه

1

0