عايزه ابدا حاجات كتير فحياتي ومحدده كل حاجه والطرق والأهداف بس في حاجه دايما بتمنعني في حاجه بتخليني اتقفل واوقف كل ما اخد خطوه جديده انا من بدري ناويه اشتغل فمجال الفريلانسر خصوصا اني متمكنه فالبرمجه وخدت كورسات تزود كل حاجه من مهارات ومعلومات بس كل ما اجي ابدا فالشغل بخاف بحس اني مينفعش اكون هنا معرفش ليه بحس اني مش هقدر احقق أي حاجه انا مبدأيا مش داخله المجال ده عشان فلوس انا اصلا لسا سني صغير علي الموضوع ده يعني متخرجتش من الجامعه لسا عشان افكر ففلوس ومسؤوليات بالعكس أنا عايزه اعمل كده عشان حابه كده وحابه يبقي ليا شخصيه مسؤوله وعارفه ازاي تشتغل وكده بس كل ما اجي اخد خطوه زياده بتعب وارجع لورا تاني ومش بس فالموضوع ده ده كل حاجه فحياتي بقت كده المذاكره والاستمرارية حتي اني أواصل حياتي بشكل طبيعي حتي علاقتي بربنا وفالصلاه ببقي اتوضيت وخلاص هصلي بحس في حاجه بتمنعني انا عارفه اني ماينفعش ابرر تقصيري بس ده الي بيحصل انا الحمدلله بحفظ القرآن ومعنديش مشاكل خالص بس فباقي الحاجات انا مش عارفه اتصرف مش عارفه اتعايش اوقات كتير بفقد الامل وببقي خلاص مش عايزه حاجه مش عايزه انجح مش عايزه اتعلم انا معروفه بين صحابي والناس عموما اني ذكيه وبعرف اوصل لهدفي لو ايه حصل والناس بتشكر فيا وفسرعه تصرفي فالمواقف واني مفيش حاجه تمنعني بس انا دلوقتي خلاص مبقتش قادره اعمل حاجه بقيت عكس ما كنت زمان كل حاجه اتقلبت 180 درجه من ولا حاجه اتمني حد يفيدني لاني خلاص تعبت وامتحاناتي قربت جدا وانا معظم المواد معرفش عنها حاجه ومش عارفه هعدي ازاي

4

1