مش عارفه أصلح علاقتي مع صديقتي المقربه

Question

هوا لو انا كنت عايزه ابعد عن صديقه ليا وهيا كانت مقربه مني جدا افعالها دايكا بتخلينا نختلف ونتخانق انا باقيه على العشره ولسا فاكره الحاجات الحلوه اللي بينا ودا اللي مخليني مش عايزه ابعد الكل بيقولي اطنش فتره واهتم بحياتي ودا اللي انا بعمله حالياً بس انا عايزه تتصلح الامور او ننهيها لان مش اول مرا تتكرر الخناقه والبعد والصمت دا دايما هيا بتقولي العلاقات مبتبقاش علاقات لو محصلش فيها خلافات وخناقات  عايزه حد لكل دا وفي نفس الوقت لو اتصلحت  الامور عايزاها تقدرني تقدر العلاقه وتوتهتم زي ما بهتم ومش عارفه اطلب منها دا ازاي واجيبهولها ازاي وازاي ممكن اعدل فيها بس مكونش اللي دايما بتبادر واحصل على الاهتمام منها

Sugar_27630 🇪🇬 · Accepted Answer

لو اتكلمتي معاها ف اللي مضايقك اكتر من مره و مفيش فايده خلاص ريحي نفسك و شوفي حياتك و الدنيا كدا كدا مش بتقف على حد بس متقطعيش معاها بردو خليكوا صحاب بس مش زي الاول انا بعمل كدا مع واحده صاحبتي دلوقتي و الدنيا زي الفل انا شايفه حياتي و هي شايفه حياتها و احنا لسه ف حياة بعض بس كل واحد بحدوده

Lemon_26642 🇪🇬 · Answer

الله المستعان

Croissant_27625 🇪🇬 · Answer

اتكلمي معاها وفهميها اللي مضايقك .. اتغيرت تبقي باقيه ع صحبيتكم .. مااتغيرتش يبقي انهي علاقتكم

Strawberry_27609 🇪🇬 · Answer

نفس المشكله عاتبته بيقولي انت بتكبر المواضيع

Strawberry_27626 🇪🇬 · Answer

انتي ممكن تتكلمي معاها براحة تفهميها انك فعلا بتحبيها ومش عايزة تخسريها متذكريش مواقف حتى لو هي بدأت تقول مواقف حصلت منك ماتسمعيش تقوليلها انا مش عايزة اعرف مواقف ولا عايزة اقول مواقف انا عايزة أصلح كل حاجة بينا مش عايزة اخسرك لانك غالية عليا

Coffee_26089 🇪🇬 · Answer

المشكله هي اني ازاي هقولها كدا واقولها اني باقيه عليها  ومش عايزه اخسرها وفي نفس الوقت هيا غلطانه في حقي ولو استنيتها تعترف بدا ممكن نقعد وقت طويل مبنتكلمش ودايما بتحصل نفس الفتره دي ونبعد كذا شهر كمان ونبقى مش عارفين حاجه عن بعض ونرجع ويتكرر نفس الغلط

Coffee_26089 🇪🇬 · Answer

لما بتخيل اننا ممكن نبقى كدا عاديين جدا وكل واحد في حياته ومنعرفش حاجه عن بعض بتصعب عليا الايام اللي مكناش بنفوت فيها يوم الا ونتكلم ونطمن عن بعض هيا اقرب حد ليا والوحيده اللي كنت بفضفضلها وبحكيلها بينا لحظات حلوه كتير ازاي نبقى عاديين كدا في حياة بعض😔

Lemon_25366 🇱🇧 · Answer

حكي معها برسالة طويلة وعاتبيها وقوليلها انا بدي هيدي الصداقة تكمل واحكيها كل شي برسالة وحدة بحيث انك تحطيها تحت الأمر الواقه