انا بنت زيك و وقعت فالفخ ، فخ كلمة بحبك ! في شوية ذكور عايشين معانا عالكوكب للاسف وضعهم صعب اوي وبدل ما يشتغلوا على نفسهم علشان ربنا يرزقهم ببنت الحلال ! بيقرروا يستغلوا بنات الناس و يلعبوا بمشاعرهم لعب و مش بس كده في اللي بيعيش على قفا البنت اللي بتحبه و في اللي بيستغلها و بيطلب منها تجاوزات او هيمشي و يسيبها ! بيستغل حبها و ضعفها علشان يستمتع فقط . مفيش علاقات بتكون من خلال التليفون نهائي و اوعى تسمعي كلام الشخص اللي هيقولك احنا هنتكلم وهنبقى بس صحاب ! مع الوقت انتي هتتعلقي وهو هيهتم بيكي علشان يخليكي تتعلقي و تحبيه و بعدين لما يضمن وجودك يقوم سايب رسايلك و مهملك جدا وانتي تبقى هتموتي وترضيه علشان بتحبيه بقا ! صدقيني كل ده وهم و خداع و انتي علشان محتاجه اهتمام و نفسك تتحبي هتبقي بالنسباله فريسه سهله و هكذا بقا يزهق منك يروح لغيرك لغاية ما ربنا يرزقه بواحده شبهه و يتجوزها .صدقني يا اخ ياللي بتقرأ كلامي الحقوق بتترد فالدنيا وكما تدين تدان و سبحان الله هتتردلك فمراتك او بنتك ممكن عادي جدا تتجوز واحده تستغفلك طول عمرك زي ما انت استغفلت بنات الناس و ضحكت عليهم بإسم الحب يا كذاب صدقني هتكبر وتبقى راجل مغفل اوي .. اما بالنسبة ليكي انتي الحقي نفسك و فوقي قبل ما تقعي و يحصل حاجات تندمي عليها وخدي بالك انتي مض ضحيه انتي فيكي عقل بيفكر وواعي . اعرفي قيمة نفسك و حبيها أنتي واهتمي بيها و متنتظريش الحب من حد ابدا و خليكي فاكرة ان نصيبك الحلال مستنيكي فحافظي على كل ذرة مشاعر علشانه وعلشانك انتي كمان 🤍

4

13