في ناس فاكرة إن النصيحة مجرد كلام يتقال… لكن الحقيقة إن النصيحة فن وأدب قبل ما تكون كلمة. النصيحة الصح هي اللي تصلّح من غير ما تجرح، وتوجّه من غير ما تهين، وتفتح باب، مش تهدّ جدار. النصيحة ليها شكل يليق بيها: إنك تختار وقت مناسب… وتختار كلمة هادية… وتتكلم على قد الموقف، مش على قد غضبك. وفي فرق كبير بين اللي بينصح علشان يصلّح، واللي “بينصح” علشان يثبت إنه أحسن. الأول كلامه يدخل القلب… والتاني كلامه يدخل في العضمة. وعشان كده كانوا يقولوا: “النصيحة سرّ… والفضيحة علن.” اللي يقصد الخير هياخد صاحبه على جنب، واللي يقصد الجرح هيعلّي صوته قدّام الناس. في النهاية… النصيحة مش سلاح، ولا محكمة، ولا استعراض قوة. النصيحة خلق… ولو غاب الأدب منها، فقدت قيمتها كلها.

4

7