اليوم 0 أهلا بالشباب البوست دة ممكن يكون طويل شوية لكن فعلا فيه قيمة كبيرة وبداية لشيء مهم وفئة كبيرة جدا هنا هيستفادوا أتمنى تكملوا للاخر انا أخوكم " يقطين "، شاب صغير في السن عندي طموحات كتير وأهداف عايز أحققها في حياتي انهاردة أخدت قرار هيغير حياتي 180 درجة وهيعكس كل حاجة تقريبا في حياتي، هيخليني بني آدم جديد القرار رحلته طويلة وصعبة وفيها عقبات كتير لكن انا هكون قدها بعون الله انا قررت اني هتعافى من إدمان الإباحية والعادة السرية الحاجة اللي هتغير في: علاقتي بربنا، دراستي، شغلي ، شخصيتي، نفسيتي، تعاملي مع الناس، وصحتي !! انا ممكن أقعد أحكي لكم عن كل تفصيلة وازاي هتتغير لكن دة مش كلامنا دلوقتي المهم القرار دة صعب ومش أي حد قده، لإنك بمجرد انك تدمن دة هتبقى أسير محبوس لا حول لك ولا قوة لكن انا قررت أتحرر هحاول كل يوم اعمل حاجة تخليني أبعد عن الإباحية خطوة وأقرب لربنا خطوة مش عارف ايه تحديدا ممكن اعمله يساعدني في دة ولكن أكيد في تفاصيل كتير هتقابلنا الفترة الجاية انا كل يوم هنزل بوست وهحكي فيه عن وضعي بالتفصيل الممل وحاسس بإيه وازاي مكمل ووقعت ولا لا كل اللي طالبه منكم اني ألاقي جيش ورايا بيدعمني انا فعلا فعلا محتاج الدعم، وكل حد ينصحني نصيحة مختلفة تساعدني ابعد عنها هنزلها في بوست كل يوم عشان اللي زيي يبعد أتمنى ألاقي ناس عندها نفس الشغف انهم يغيروا من حياتهم ويحسنوها وشكرًا

11

2