كتبت كتاب قبل ما أعرفه واتلغى الفرح، هل أبقى مطلقة؟

Coffee_52367 🇪🇬

منذ أسبوع واحد

شعور غبي

عايزه أسأل سؤال هوا لو واحد عمل كتب كتاب عشان يبقى براحته مع شريكه حياته و يعرف يتعرف أكتر بس الجوازه صالونات و بعديها حس أنه مش مرتاح و قررو يفشكلو قبل الفرح دي تتحسب جوازه و واحده مطلقه و الكتب كتاب غلط أنه يتعمل قبل التعارف عشان كده و في نظر المجتمع مطلقه و احنا عارفين نظره للمطلقه بتبقى عامله إزاي ولا إيه 🤔

ضوابط الخطوبة الشرعية علشان ما يبقاش في غلط!

ضوابط الخطوبه الشرعيه💜🦋.' ضوابط الخطوبة تتفقوا فيها مع بعض من الأول علشان ميكونش فيه مخالفات وعلشان محدش يكون متوقع حاجة ويلاقي دنيا تانية خالص غير الـ حاططها في دماغه يبقى الأفضل نحط النقط على الحروف من البداية.' مبدئيًا ..🙈 - قبل الخطوبة في حاجة اسمها رؤية شرعية .. يعني العريس بيروح للعروسة .. يشوفها و تشوفه و يتكلموا مع بعض و يشوفوا في قبول ولا لأ .... - الزيارة بتتكرر لحد ما هو يطمئن ليها و العكس .. أول ما يحسم أمره و يوافق هو و هي لازم يغض بصره عنها لحد الجواز و هي كمان.' - الخطوبة وعد بالزواج.' خطيبك راجل أجنبي عنك''مش مِن بلاد برة لأ '' أجنبي يعني مش مَحرم و ده يترتب عليه حاجات كتير جدًا .. مش حب و دباديب و باقة و رغي ليل نهار' - ''مينفعش يسلم عليكِ حتى ولا يلبسك الدبلة ولا السلسة .. الحاجة الوالدة أو أخته يعملوا كده لأنه لسه غريب عنك'' 💜🚶 - مينفعش تقعدوا مع بعض من غير محرم. ''لازم عزول لحد كتب الكتاب'' - الخطوبة مش علشان تتفسحوا وتخرجوا وترغوا في الفاضي والمليان .. ولو عايزين تخرجوا لازم حد محرم يخرج معاكم والكلام يبقى في حدود الحلال بردوا.' ''الخطوبة مش معمولة علشان تحبوا في بعض .. معمولة علشان تتعرفوا على بعض صح وفي حدود شرعية وتعرفوا شخصياتكم متوافقة مع بعض ولا لأ ..حياتكم هتمشي إزاي'' - لو عندكم أسئلة تسألوها''بس يكون الكلام بيجيب بعضه كدا مش سؤال وجواب كأنه interview .. يكون الأسلوب مش فظ ولا منفر ولا فيه ميوعة وتساهل .. الاعتدال حلو'' ومبقولش متعرفيش شخصيته ! لأ اعرفيها وكل حاجة بس بضوابط.' - غض البصر فرض في الخطوبة على فكرة ''فرض عليك وعليها'' مش معني إنكم اتخطبتوا يبقى تطلقوا البصر .. لازم كل واحد يغض بصره عن التاني ''أتأملوا السجاد بيكون حلو أحسن ما تاخدوا ذنوب ويكون ليها عواقب بعدين''😂💜 ودي نقطة هتعرفوها طول الخطوبة يا تري هو بيغض بصره عامةً ولا لأ .. هيدخل يقعد في مكان يكشف منه البيت كله ولا هيقعد في مكان ميجرحش البيت وهكذا .. دي كلها ملاحظات بتاخدوها على بعض من غير كلام خالص.' -''حفلة الخطوبة مش واجب ولو اتعملت مينفعش يبقى فيه اختلاط بين الرجال والنساء ووجود موسيقى ''👀🧘 ''ميبقاش ربنا أنعم عليك بالخطوبة وتيسير أمورك فتشكره بمعصية !''🥱🙄 - مينفعش صورك تبقى مع خطيبك نهائي ولا حتى ترفعوها على الفيس سوا .' -''مينفعش تعبروا عن مشاعركم .. مش من حقك تقولها أي كلمة ولا من حقها تسمع أى حاجة من مشاعرك ''حبيبي وحبيبتي وروحي وقلبي وفشتي وبنكرياسي وطحالي وامعائي وكل الكلام ده يتكنسل ''🤭🚶 حوشوها لحد كتب الكتاب علشان يبقى فيه مخزون كبير وتلاقوا حاجة تقولوها في الحلال.' - الخطوبة مش معمولة علشان كل طرف يتجمَّل قدام التاني ويظهر أحسن ما عنده ولما يتجوزا يتصدموا ببعض،لأ! خليكوا صارحين مع بعض وكوني تلقائية ''بضوابط من غير دلع وسهوكة'' الخطوبة مش هي الحلال المنتظر والله يا جماعة ^^ - تتكلموا في حاجة مباحة من الكلام .. تتفقوا على الشقة والالوان والديكورات .. والشغل والدراسة تتعرفوا الـ قدامكم بيتعامل ازاى مع الناس واسلوبه .. وحياتكم ماشية إزاى وهتمشوها إزاى بعد الزواج وهكذا .. - إي العبادات الـ بتعملوها .. والـ عايزين تثبتوا عليها .. وإزاي تقربوا من ربنا ''من غير رومانسية الله يكرمكم علشان المرارة بس'' الكلام يكون جد وبحدود ومفيش حاجة أسمها رومانسية إسلامية في الخطوبة .. فجأتكوا؟ أني أسف.' #الفون_للضرورة_وقدام_محرم - فيه كمان حاجه لو أنتِ لابسه نقاب تفضلي بيه ماهو خلاص شافك قبل كده مره أو اتنين بعد كده تقعدي بحجابك الشرعي عادي لان ده لسه مابقاش جوزك ولسه غريب عنك.' - كمان حاجه بلاش بقى الفيس وأجواء الفيس دي وأنت حبيبي وانتِ دنيتي بلاش بالله لأنه لا يجوز.' بالله فرقوا بين الخطوبة والزواج! ممكن حد يقول إي الضوابط القاسية دي لما اجي اقعد معاه يبقى فيه محرم لما اجي اكلمه في الموبيل يبقى للضروري وكمان فيه محرم كل ده ليه ؟ - علشان ربنا يُريد أن يحافظ علينَّا ويحمينَّا من وساوس الشيطان وما أدراك من وساوس الشيطان.' مُهم تتفقوا إزاى الخطوبة تمشي بالضوابط الشرعيه وتعدوا الإختبار دا على خير.' هي في الغالب مش أجمل فترة ولا حاجة دي فترة صعبة وكلها فتن واختبارات .. بس كله بالحلال وما يُرضي الله هيعدي.' 'وهكرر تانى كلام الدكتور محمد الغليظ💜' الخطوبه مجرد وعد بالزواج''مجرد وعد'' 'مَن عفَّ قلبَهُ عن الحَرَام ؛ رزَقَه اللهُ جَميلَ الَحلال💜 ...عرض المزيد

11 الدعم

3 نصيحة