أنا موجوعه اوووي المره ديه كسرتي تكبر لان فيها بنتي فضلت طول عمري احوس مشاعري واحافظ علي نفسي لزوجي المستقبلي وللأسف اخترت اغلط وانفصلت بعد سنه جواز وشفت معني إذا خاصم فجر بجد وقلت اركز في بنتي وحياتي وشكرا كده ركزت علي اني أتعافي وانسي وركزت كل طاقتي مع بنتي وبعد ٥ سنين يظهر في حياتي حد يحب بنتي ويصر ان هو يقرب ليا رغم كل محاولاتي اني اقصده وأفهمه ان مش نافع لانه اصغر مني ب١٠ سنين بس شكله وشخصيته اكبر بس كنت خايفه بردوا فضل يقنع فيا وكل ما كنت ابقي متردده يعمل كل حاجه عشان يطمني بنتي حبته جدا واتعلقت بيه اكثر من باباها نفسه الي رميها ومش بيشوفها غير كل فين وفين طبعا ظروفه كانت لسه في او ل حياته وبيحاول يجيب شقه ويستقر في شغل ثابت كان مدرب بنتي فضلت شهور اقول هيزهق ويمشي لما يلاقي ان هو مش واصل معايا لحاجه ولا فيه تجاوزات نهائي ولا جسدي ولا لفظي هيزهق بس بالعكس فضل ٩ شهور جنبي ومهتم بكل تفصيله ليا وابنتي ونزل شغل ثابت جنب تدريباته ورغم ان هو كان بيساعد اهله بردوا وبيجوز اخواته البنات كان بيقولي استنيني وهوصلك وبعد كل ده لما اخيرا بدات اصدق ان ده حقيقي وان هو بجد مش هيسبني وان اخيرا ربنا عوضني أنا وبنتي قرر يمشي بدون مقدمات كان كل مشكله معايا ان هو بيغير عليا اووي وان أنا مش بهتم بيه اوي زي ما هو عاوز اتصل بيه الصبح وبليل مثلا اقولوا بحبك وحشتني كان دايما يقولي ليه بتستنيني أنا الي اكلمك نفسي مره تتصلي بيا احس اني فارقلك وحشتك بصراحه كنت بخاف اعمل كده كنت بخاف يكون بيلعب واتعلق بيه زياده فكنت دايما بحاول ابعد او اخليه هو يهتم اكثر مني بس احيانا كنت بحاول اهتمّ واتصل بس مش كثير رغم ان كان بيوحشني بجد واتعلقت بيه فعلا فجاه اتخنقنا علي حاجه كنا بنكلم عادي وروحت من الشغل لاقت بنتي سخنه بيبعت يطمن عليا قلتلوا ديه سخنه وهات رقم صيدليه وكده بعتلي خدت الرقم وانشغلت مع بنتي وهو مستني زي كل مره أنا الي أبدا واسأل عليه وانا مستنيه ان هو يطمن علينا كالعاده لما طول قلقت بعتله بس كان الوقت متاخر اووي رد عليا الصبح وهو زعلان انتي اختفيتي فين بصراحه طلعت فيه قلتله أنا قلتلك البنت سخنه وانشغلت معاها مش لاقيه الخافض في اي صيدليه وانت بدل ما تسال عليها مستنيني أنا اكلمك وقفلت لما جيه معاد تمرينها ومراحتش لاقيته بيكلمني هي بجد تعبانه اووي كده لدرجه متجيش قلتله اه فضل متابعني روحت كشف وخدت العلاج واعتذر وقالي كنت تعبان من اصابه كتفه وكان مستني اني اكون جانبه وان أنا عندي حق المفروض يكون جنبي في الوقت ده مش أناني يفكر في نفسه بس واتكلمنا عادي وتبعت كشفه وعلاجه بس كنت حاسه ان اليومين دول لهفته عليا مش زي الاول بيكلم عادي بس فيه حاجه متغيره ولما سالت قالي مفيش حاجه بعدها لما اصرت ان فيه حاجه قالي نكلم بعدين وقفل بعدها فضل يكلم عادي يومين كمان لما قفشت بقي وخدت جنب يوم كامل مفيش كلام بعدها بعتله أعاتبه قالي ناخد بريك عشان أنا حاسس اني مش لاقي الي أنا عاوزه تعبت مهما بدي اهتمام اووي ومهما حطيت وقتي فيه مش بلاقي الاهتمام الي عاوزه قلتله لا اقفل الموضوع خالص وتبعد عن بنتي خالص قالي براحتك الي انتي عاوزاه هعملهولك حاسه اني اتلعب بيها وصعبان عليا بنتي اوي في حد كبير حكتله كان حاضر الموضوع من الاول شايف ان فيه حاجه حصلت عنده خلته اتخنق وعمل كده لان مش طبيعي يحصل كده فجاه من شخص كان مهتم اووي كده كل الي أنا حكيته ده حصل في اققل من اسبوع قبلها كان كل شي طبيعي فهي شايفه ان فيه حاجه حصلت عنده في عيلته او شغله او الشقه الي كان مقدم عليها ومستنيها تيجي الشهر ده مجتش فحس ان كل تعبه بيضيع ومش عارف يوصلي بسرعه عشان يجي رسمي بس حد تاني صحبتي بتقولي لا ده كان بيلعب وعارف ان دخلتك بنتك فعمل كده وعادي يقعد ٩ شهور يمثل عليكي ولما لقي ان هو مش هيوصل معاكي للي هو عاوزه زهق أنا مش عارفه اصدق مين فيهم ولا اسكت وجعي ازاي وبنتي اكثر حاجه وجعاني حاسه يعيني كانت بتحلم ببيت وأسره وأخوات ومتعلقه بيه جدا ولما بعد كل شهور ديه بدات اصدقه واقول خلاص ربنا عوضني يحصل كده مش عارفه هل فعلا أنا غلطت لما كنت بصدقه واديله فرصه هل ممكن قله اهتمامي تكون هي السبب بس ده حقي قلتله لما يبقي فيه حاجه رسمي اقدر اهتمّ عادي وكثير قبل كده لا

4

18