كنت خلاص بفوق انا اه كنت موجوعه بطريقه مش طبيعيه اول مره احس بضعف كده ف حياتي .. لقتني برجعه برده تاني علي واتساب مع اني عامله بلوك من كله ولقيته هو لما شافني هو بيركز فشخ انا بعمل ايه حتي لو عامله بلوكات وده اللي اكتشفته لما رجعنا نتكلم لما مقدرتش اعمل بلوك لرقمه بحجة اني مش عايزه امسح الشات عشان منساش اللي هو قالهولي ورفضه ليا لقتني بفك البلوك تاني وبنزل استوري عامه عادي عشان بس اشوف انه شافها وهو برده كان منزل صوره انا عملاهاله حاسه اني شخصية تانيه تماما غير اللي كنتها السنة ونص اللي فاتوا لاني اكتشفت ف السنة ونص دول اني كنت بطلة بجد ف كل حاجه والدليل اخر نجاحات وصلتلها ف كل الجوانب بربنا مش بشطارتي حاسه اني ضعيفه الفتره ديه ومش فاهماني ولا عارفه اتعامل مع نفسي ازاي عماله ادعي ربنا ونفسي انه ينجيني لاني عماله اغرق نفسي ومش عارفه ف نفس الوقت اقفل الباب للابد بسال نفسي طيب انتي ودعتي الناس التانيه ازاي اللي برده كانوا جزء مش قليل من حياتك بلاقيني بقول انه كان غير وانه كان بجد روحنا واحدة وشبه بعض ف كل حاجه .. بس اول ما ظهر فكرة الجواز بدات الاختلافات اللي بجد تبان سعات بلوم نفسي انه صح وانه يبعدني عن اي تعامل في رجاله حواليا بس بلاقيني اصلا مش بتعامل مع حد بس الناس دول ف الدواير اللي حواليا بلاقي انه بيحب يسيطر علي اللي معاه بشكل كامل وده بيرعبني انا بحب اكون حره بش بشكل محترم عادي وكل اللي عارفني عارفين اني انسانه محترمه من غير وجود حد اصلا بس فكرة اني اتحط تحت بند اني اعمل اللي حد تاني عايزه وامشي بدماغه والغي دماغي واكرس نفسي ليه هو بس مش عارفه اعملها تاني عملتله ده زمان وخذلني… حتي لو عملت ده هستحمل كمان ظروفه وانه بيلمح لاني اصرف معاه انا بقيت شايفه كل حاجه بوضوح للمره المليون بس لسه مربوطة لسه مش عارفه ارجع لحياتي عماله اسال نفسي طب كان ناقصك ايه بجد وليه كارهه حياتك اوي كده وخايفه ترجعيلها ؟!! وانتي مؤخراً بداتي تحاولي تستمتعي بيها هو وجوده كان ليه ؟؟ كان عشان الحب طب ما الحب موجود ف كل مكان وموجود جواكي اصلا وف تعاملاتك مع كل اللي حواليكي موجود عشان الونس طب ما عندك صحاب ودايرة اكتر من العيلة مش شبههي اه وده الطبيعي اننا منكنش نسخ من بعض انا حبيت دوباني فيه واننا نفس الدماغ ونفس الهزار وبنعرف بجد نقضي وقت جميل مع بعض بس نفسي خلاص اتخلي ومستناش تاني ولا ابقي عايزه اعرف ايه اللي هيحصل منه ف الفتره الجايه لاني عارفه ان مفيش حاجه هتحصل ولو كان في كان حصل من زمان نفسي ارجع كويسه اوي ومش بس كويسه نفسي ارجع مبسوطه مش حزينه ومكسورة عشان انا تعبت

3

1