كي يجيك بنادم يقولك ...أنا شخص مليح…؟ واش رايك فيا؟.. واش تحب فيا؟... وش تعرف عليا؟ اعرف بلي هاد الأسئلة ماشي فضول... هذا إنسان صراتلو بزاف حوايج خلاوه يحس بالذنب على أبسط حاجة... يراجع روحو أكثر من اللازم... ويحمّل نفسو مسؤولية أذى ما كانش بسببو... auto-culpabilisation... وين الإنسان يولي القاضي والجلاد في نفس الوقت.... هذا شخص كان عندو قلب نقي... بصح تعرّض لخيبات.. خذلان... ولا كلام نقص من قيمتو… و مع الوقت رجع يشوف روحو بنظرات الآخرين.. ماشي بعينيه... Il a perdu la confiance en son propre jugement... رجع يحتاج confirmation باش يطمّن روحو بلي ما راهوش ( خطأ)...ربي ما خلق حتى واحد بلا قيمة... ﴿وَلَقَدْ كَرَّمْنَا بَنِي آدَم﴾ يعني الأصل في الإنسان الكرامة... ميش الشك في النفس... جلد الذات المفرط قسوة… وربّي ما يحبش القسوة على النفس...كي يجيك إنسان بهاذ الحالة... ما يحتاجش محاضرات ولا فلسفة كبيرة...كلمة صادقة برك... نظرة ثابتة...وعبارة بسيطة كيما (راك مليح...ووجودك بحد ذاتو قيمة)...تقدر ترجع شوية نور لقلبو....خاطر الإنسان لي يسقسي هاد الأسئلة…ما راهوش ضعيف برك راهو على حافة الانهيار... Et parfois un seul mot juste peut réparer ce qu’une vie entière a cassé...

2

2