كيفاش نتعامل مع الأم النرجسية اللي دايما تلوم فيك؟

Question

كيفاش تتعاملوا مع الأم النرجسية في حالة تبقى تلوم فيك 
مثلا انا جاني واحد خطبني و بسيف بش قنعتها بيه مع تالي خرج fils de sa maman ماماه مقبلتنيش نقرا 
ايا ماما كلثوم تجبدلي تقولي كشفتيني و حشمتيني قدام الرعاين.. و كشغل انا مانيش مبينة بلي هاد لحاجة راهي ضارتني بزاف تاني ... و هي راهي تزيد عليا بالهدرة

Pineapple_81346 🇩🇿 · Answer

اختي الكريمة نتي باينة بلي راكي تخمي بلي لوكان ترجعيلها الهدرة وتحطيها فحدها باش ما تبقاش تقيسك بكلامها بلي راح تكوني عاقة انا نقلك يا اختي كلنا بني ادم نأثر و نتأثر ولي يظلمك يا لوكان تكون يماك لازم ما تقبليش بالظلم و ما تسكتيش عليه لان الله لا يرضى ان يظلم عباده ف ننصحك باش تبينيلها بلي هاد لهدرة راهي تقيسك و توجعك ولازم عليها تحبسها ولكن روحيلها باللتي هي احسن لانها امك

Tofu_81250 🇩🇿 · Answer

chofi kichghol knt nskt bzffff w mn bkri hk dirli genre tjrhni bl klam genre انا هي لي ما تعرفش وش معنتها نبع الحنان , sema welit ki kbrt nkhaf nrod lhdra psq khtrat nrod w njrh w kima khtra glt liha نتي مشي ام mazalha chadthali w dymn tjbdhali Wlh 3yit .. w ki nhdr meaha b chwiya tgoli nti t3 swalhk !!

Pineapple_81346 🇩🇿 · Answer

اولا ان ماشي طفلة هههه معليش ثانيا يا اختي الام تقعد ام حرام عليك واش راكي دايرة انك ما راكيش تهدري معاها و ماراكيش تعيطيلها و تسقسي عليها و كي مرضت ماراكيش واقفة معاها هاد لحاجة تغضب ربي علابيها ما راكيش مليحة وراكي تحسي روحك مبحرة يا اختي ديريها مليح فبالك بلي الرسول عليه الصلاة و السلام قال: (رضى الاب من رضى الرب) المعنى تاع الاب هو الوالدين  يا ختي نتي راكي مغضبة ربي تسمى مستحيل تكوني مليحة

Tofu_81250 🇩🇿 · Answer

بصح كيفاش نقدر نولي نتعامل معاها نورمال شغل انا مش مربية عليها الحنان و الله دايما نخمم بيني و بين روحي و نلقا بلي هي لي معطاتنيش وش بغيت من عندها شغل ابسط الحجات لي هي يبانولها رخف و حرية مثلا : منشفاش عليها عنقتني و لا سقساتني وش عندي ولا جامي حوست تعرف حاجة عليا ، بالعكس الوقت لي نسحقها صح فيه منلقاهاش( نسحقها معنتها من الجانب تع الدعاوي ما الجانب المادي جامي طلبت منها ) مقدرتش نربي الحنان عليه

Tofu_81250 🇩🇿 · Answer

و كي قتلك الأبسط الحاجات معنتها ( الحنان يبانلها حاجة بيزار متقدرش تحن عليا .. ) و صعيبة بزاف لي فاقد حنان الأم والله أكثر من حنان الأب فرأيي لأنو الأم هي لي عادة تجي الحنينة و المتفهمة

Pineapple_81346 🇩🇿 · Answer

يا اختي العزيزة انا علابالي بلي نتي ما راكيش فحالة وين تقدري تربي مشاعر مليحة من جيهتها انا ما قلتلكش ولي حبيها و لا ولي تموتي عليها قلتلك بلي ربي فرض علينا و عليك انو نبرو بوالدينا فأي شيئ ما عاد الشرك بالله تسما نتي يماك راهي مريضة وفي حالة نتي ما سقسيتي عليها ما حوستي تفهمي حالتها ما رحتي شفتيها ما وقفتي معاها بيناتنا ختي راكي تحسي روحك انسانة طبيعية كي راكي هكا صراحة

Tofu_81250 🇩🇿 · Answer

لاااا سي والله توجور ونقلها نروحو عند بسيكولوج مي هي دايتها بفكرة انو بسيكولوج يروحو ليه المراض.. مع انو انا رحت عند بسيكولوج و ضربتني .. و قاتلي كيفاش تروحي عند بسيكولوج و تشكيلها .. و انا كنت نروح بش يروحو لي العقد لي منجيهتها مي مين ضربتني مزدتش شفت بسيكولوج كيفاش داير

Pineapple_81346 🇩🇿 · Answer

yakhti wch rah n9olk sa3fiha 9ad ma t9dri tet7amli rani 9ltlk rahi ymak wnti bntha wrabi yfrjha 3lik wyjiblk li fiha khir