الناس بتشوفني وحش عشان بدور ع راحتي ، عشان مبعملش الي بيطلبوه مني و اعمل اللي يريحني و يريح دماغي ،عشان بقيت بختار نفسي على كل حاجه ، رغم ان هما السبب ، ليه اخرج معاك و انت خرجوتك مبتبسطنيش ، ليه اعمل حاجه ف الشغل و هي مش شغلي ، ليه اخاف ع مصلحتك و هي مش مصلحتي ، ليه اعمل اي حاجه من غير ما يكون ليها مقابل ، ليه مريحش نفسي ،ليه مخترش الراحه (مع انهم كلهم كدا اصلا و اللي مش كدا بيحاول يبقا كدا ، بيحاول يبقا بتاع مصلحته و يخاف ع مصلحته و مش مهم بقيت الناس ،بس يدايق لما حد يعمل معاه كدا ) عشان كدا الواحد مقرر من زمان ان نفسه و نفسه و بس و متجيش تلومني و انت نفسك تبقا زيي مبقاش فارقلي الناس ، مبقاش فارقلي ازعل مين و اراضي مين ،بقيت لوحدي ..مفيش حد معايا غير دماغي ، مبقاش هاممني اي حد او اي كلام او افعال من اي شخص ..اذا كانت حلوه او وحشه ،،عايزه او لا ،كدا كدا مبقاش فارق. ، مبقتش بحس ،،بقيت بارد ، بقيت جاحد ، قلبي اتحجر . و بصراحه انا مبسوط كدا ،و بحبني اوي و يارب افضل احبني كمان و كمان

1

6