يمكن أنا مش فاهم ليه البنات مبقتش تقول اللي جواها بصراحة… ليه بقى في لف ودوران، وليه كل حاجة بقت تتفهم بالعافية. أنا زهقت من الإشارات… ومن الكلام اللي نصه مفهوم ونصه تلميح. أنا بقيت أحب الوضوح… كلمة تتقال على طول من غير تمثيل." "أنا عندي ٢٦ سنة… وبقيت شايف الدنيا أهدى. مش مستغرب، بس مستاء من إن المشاعر بقت عاملة زي لعبة شد الحبل… كل واحد مستني التاني يتحرك الأول. وبين الاتنين، ناس بتتعلق وناس بتتوجع وناس بتفهم غلط." "وأنا مؤمن بحاجة… إن اللي بيتم بالخفاء بين الناس، بيتم قدام ربنا بوضوح. كل حاجة بتستخبى عن البشر، بتبان عنده من غير ما حد يتكلم." "ربنا شايف اللخبطة… شايف القلوب اللي بتتجرح من غير سبب… وشايف اللي بيتصرف غلط، واللي بيجري ورا سراب، واللي بيخبي نواياه. ومفيش حاجة بتعدي عليه، ولا حاجة بتضيع عنده." "الحب؟ مش شايفه ناقص… بس شايف الناس اللي بتتعامل معاه غلط. فيه ناس بتخاف… ناس بتمثّل… ناس بتلعب… والقليل قوي اللي لسه بيتكلم بصدق." "أنا مش مستعجل على حاجة… ولا بدور على حاجة… بتكلم عن اللي بشوفه وبعيشه، بس من غير ما أتعلق. واللي مكتوب… هييجي لوحده من غير ما أمد إيدي ولا أطلب

1

0