مساء الخير عليكم جميعا الموضوع اللي هتكلم فيه موضوع مهم جدا ياريت الكل يكمل للآخر لو سمحتم 🥰♥️ هبدأ كلامي ب ليه الراجل بيعامل الست معاملة وحشة ..سواء كان أب أو أخ أو زوج ..ليه تملي الست بتتعامل معاملة وحشة ... ( الأب) يهمل بنتة وميديهاش القدر الكافي من التربية والحنية.. والمعاملة دي بدورها بتخللي البنت يتكون جواها فراغ أبوي وبتطلع تدور علي الحنية برة بيتها ودة بيظهر في صورة انها تحب شخص يوفرلها الحنية دي وفي الآخر يسيبها وبدل ما كان عندها صدمة من باباها تبقي صدمة وإكتئاب كمان من الشخص اللي وثقت فيه ..وتدخل في حالة من حالات العلاج النفسي (الأخ) يعامل أختة علي إنها خدامة في بيتها تاكل وتشرب وتخدم بلقمتها وعشان هيا بنت لازم تشتغل شغل البيت مع مامتها طب ما تساعد يا أخي انت كمان دا سيدنا محمد كان بيساعد زوجاتة ..وكان يخيط ثوبه (بيخيط هدومة بإيده)ويخسف نعله (بيصلح حذائه بنفسة) ويحلب شاته (بيحلب المعزة بإيدة) ليها تشوف نفسك أحسن منها عشان انت ولد وهيا بنت وإن ملهاش حقوق زيك أينعم ربنا فضل الراجل في الميراث عشان أسباب كتيرة هبقي اقولهالكم في بوست تاني او في القوامة لكن في العلم والعمل والجزاء كلنا واحد الست زي الراجل .. حب اختك ومتعاملهاش وحش (الزوج) هو اكتر الرجال معاملة سيئة للست اول شهرين بيبقي مش عرف يعملها ايه ولا ايه وتعالي هنا يا حبيبتي وخلي بالك لا تقعي اعملك حاجة معايا خليكي مكانك وانا هعمل .. وكمان عشان العلاقة بينهم ....لكن بعدها تبدأ تقدم في عينه وكأنه طفل ساب اللعبة القديمة لما جتله واحدة جديدة ..واللي يضرب زوجتة واللي يشتمها ..كل دة ليه ماهو انت لو عاملتها بما يرضي الله هتلاقيها معاك كويسة عاملها برحمة ....(عظوهن - إهجروهن - إضربوهن ) مع العلم ان الضرب في الاسلام بيجي اخر شئ وكمان ليه قواعد وأصول يعني مينفعش تبقي ايدك مرتفعة عن مستوي كتفك ولو ردت المعاملتك الحلوة بوحشة ساعتها تطبق شرع ربنا ..فإمساك بمعروف او تسريح بإحسان .. الست دي أحسن مخلوق خلقة ربنا ..ياخي دة ربنا خلقهالك من حتة منك عشان تحس بقيمتها وتستأنس بيها ..ربنا خلقهالك علي سبيل الآمانة ..وإحنا للأسف معظم الرجالة خانوا الآمانة ..

0

9