ليه بجد ابقي عادي في نص القاعده وفجأه احس بزهق وملل وخنقه رغم انها بتبقي قعدة بنات ضحك وهزار بفصل كده حتي الكل بيلاحظ طب في حاجه ضايقتك لا ؟ طب حد قالي كلمه وحشه لا الكل كان قاعد بيمدحني لسبب ما بس طول الوقت حاسه ان الناس مش شبهي مش عارفه ده مشكله حقيقي ولا عادي بس لحد دلوقتي بس عمري ماقعدت مع حد وحسيته شبهي وارتحتله انا مش قفله وبهزر بس مبحبش الاسلوب الناس بتتكلم والكل بقا يشتم عادي ودي حاجات بتفصلني معقول كل مواضيعهم متجذبنيش واحس اني مش عاوزه اشارك وعاوزه اقوم البس الهاند فري واسمع اسامه الواعظ ! انا لسه راجعه من عند صحابي ورايحه بإردتي معقول ارجع مضايقه ومخنوقه من غير ما حد يعملي حاجه ؟

1

7