فضلت أسأل وادور علي ليه بيبقي في شعور وإحساس بالسعادة الهستيريا مع الرغم ان بيبقي الخزن والخنقه بمعني ... ليه البني ادم اللي حاسس بالحزن والضغط والخ من المشاعر السلبيه وغيرها بدل ما يبكي او ينغمس في الشعور ده بيتحول عنده احساس بالسعادة انا عامة بيحصلي كده لما اكون زعلانه اوي وكبوته عضب عني بحس بضحك هستيري وهبل المهم عرفت اللي بيحصل اسمه في علم النفس آليات دفاع نفسية والمخ بيستخدمها تلقائي علشان يحمي الشخص من ألم أعلى من قدرته أحيانًا الحزن أو الضغط يوصل لدرجة عالية قوي لدرجة إن الجهاز العصبي مايبقاش قادر يستحمله بشكل مباشر فيحصل العكس تمامًا بدل ما الشخص ينهار المخ يعمل تفريغ عكسي فيطلع ضحك أو نشاط أو إحساس سعادة مفاجئ وده مش سعادة حقيقية دي استجابة عصبية مؤقتة في الحالة دي بيحصل كام حاجة مع بعض أول حاجة الجهاز العصبي بيكون مشدود لفترة طويلة جدًا فلما يحصل أي حدث بسيط حتى من غير سبب يحصل إفراز مفاجئ لمواد زي الدوبامين والإندورفين وده يعمل إحساس نشوة أو ضحك لا إرادي تاني حاجة الضحك هنا بيبقى طريقة تفريغ توتر زي العياط بالظبط بس بدل ما الطاقة تطلع في شكل دموع بتطلع في شكل ضحك وحركة وكلام علشان كده الشخص نفسه يبقى مستغرب هو بيضحك ليه تالت حاجة في حاجة اسمها التنافر العاطفي يعني المشاعر جوه الشخص مش متناسقة فيه حزن مكبوت وفيه مخ بيحاول يعيش ويكمل فالمخ يطلع إحساس معاكس علشان يوازن الكفة شوية رابع حاجة الشخص اللي متعود يداري مشاعره أو اتعلم من بدري إنه مايبينش ضعفه مخه بيتبرمج على إن الوجع ما يطلعش بشكل مباشر فيطلع بشكل غير متوقع ضحك هزار نشاط زيادة سعادة مبالغ فيها المهم بقى الإحساس ده مش كذب ولا نفاق ولا تمثيل ومش معناه إن الشخص مش حزين وعشان كده غالبًا بعد السعادة الهستيرية دي يجي إحساس فراغ أو هدوء زيادة أو حتى تعب لأن الجسم رجع للواقع بعد التفريغ بس كده مين زيي?

5

5