انا قررت ابطل دعاء بأي حاجه اصل عمري ما دعيت بحاجه واتحققت لا وكمان بيحصل عكسها نتكلم ف حاجه مفيده بسم الله اول حاجه دا كدا يأس وربنا امرنا بعم اليأس في قصة سيدنا يوسف تخيل كم الابتلاءات اللي تعرضلها وكذلك ابوه سيدنا يعقوب ومع ذلك كان صابر وعنده امل برجوعه (یَـٰبَنِیَّ ٱذۡهَبُوا۟ فَتَحَسَّسُوا۟ مِن یُوسُفَ وَأَخِیهِ وَلَا تَا۟یۡـَٔسُوا۟ مِن رَّوۡحِ ٱللَّهِۖ إِنَّهُۥ لَا یَا۟یۡـَٔسُ مِن رَّوۡحِ ٱللَّهِ إِلَّا ٱلۡقَوۡمُ ٱلۡكَـٰفِرُونَ) وفالاخر رجع طيب يسيدي ايه هي الاوقات ال لي الدعاء فيها مستجاب ومين الناس اللي دعوتهم مستجابه بص يعم اول حاجه لازم يبقا عندك يقين تام ان ربنا سبحانه وتعالى هيجيب دعائك النبي صلى الله عليه وسلم قال ( إن ربكم تبارك وتعالى حيي كريم ، يستحي من عبده إذا رفع يده اليه أن يردهما صفراً) ماشي انا عندي يقين دلوقتي عايز بقا وقت ادعي ادعي في اي وقت عادي لكن فيه ساعات استجابه بعضهم ١. في الثلث الاخير من الليل (احسب من اول اذان المغرب لاذان الفجر واقسم على تلاته وخد اخر ثلث) النبي صلى الله عليه وسلم قال في أحاديث كثيرة منها ( يَنْزِلُ اللَّهُ إلى السَّماءِ الدُّنْيا كُلَّ لَيْلَةٍ حِينَ يَمْضِي ثُلُثُ اللَّيْلِ الأوَّلُ، فيَقولُ: أنا المَلِكُ، أنا المَلِكُ، مَن ذا الذي يَدْعُونِي فأسْتَجِيبَ له، مَن ذا الذي يَسْأَلُنِي فَأُعْطِيَهُ، مَن ذا الذي يَسْتَغْفِرُنِي فأغْفِرَ له، فلا يَزالُ كَذلكَ حتَّى يُضِيءَ الفَجْرُ.) في احاديث تقول ثلثين الاخر واحاديث الثلث الاخير ٢. بعد كل صلاه بعد الاذكار كدا او بعد التشهد وقبل التسليم (مع عدم رفع اليدين) ٣. بعد الاذان بين الاذان والاقامه ،النبي صلى الله عليه وسلم قال (لا يرد الدعاء بين الأذان والإقامة) هتردد الاذان وتقول الدعاء وبعدها ادعي بقا لحد الاقامه في اوقات كتير جدا لاستجابة الدعاء عشان مطولش عليك بس في طريقه جامده كدا وهي انك تدعي لغيرك النبي قال ( دعوة المسلم لأخيه بظهر الغيب مستجابه عند رأسه ملك موكل كلما دعا لأخيه بخير قال الملك الموكل به :آمين ولك بالمثل ) انت متخيل الملائكه اللي لا يعصون الله ما امرهم يدعولك انت واللي بتدعيله هو في جمال اكتر من كدا اظن كدا ملكش حجه انك متدعيليش بقا 😁😂 دمتم في امان الله واعوذ بالله ان اذكركم به وانساه #العاصي_الداعي🤍 العد التنازلي لسلسلة صفة صلاة النبي على القناه اللي حابب يدخل يبعت (رقمك مش بيظهر ولا الرياكت بيظهر لاي حد ولا للاونر )

3

3