ليه بيبقى شخص تاني في الشات عن الكولز؟ مش فاهمه!

Strawberry_89900 🇪🇬

منذ 14 ساعة

شعور قلق

جماعه تعرفت على حد وانا بنتكلم كولز بيبقى حد لطيف اوي اما بنتكلم شات بيتعامل ببرود او بطريقه غريبه اوي ولما نتكلم كولز واقول له ليه وبتبقى شخص تاني بيقولي ان لا ببقى عادي والكلام ده كله مش فاهمه حاجه وانا عامة معجبه بيه اوي وبيبقى لطيف معايا اوي ف الكولز

بحبها حرام ونفسي اتجوزها.. أعمل إيه؟

كنت على تواصل مع بنت اكبر مني بكام سنه وكانت علاقتنا اونلاين بس مش اكتر كان بقالنا اربع سنين مع بعض وبعدين من ٦ شهور احنا الاتنين عشان حرام وكدا وانا لسه فاضلي سنتين على ما اخلص الكليه والصراحه كل شويه حد فينا يقع ونرجع نتكلم بس اققل بكتير من كلام زمان عشان فكرته ان الواحد استوعب ان حرام اللي بنعمله المشكله انا البنت بحبها فعلا من قلبي وعايز اتجوزها فعلا مش لعب بيها ولا اي حاجه وهي بنت ناس محترمه اللهم بارك مش عارف اعمل ايه وهي طول الوقت في دماغي وبتفكرها لان كنا بنتكلم كتير جدا في اليوم وبنعرف اخبار بعض وانا تعبت بصراحه من الصراع اللي جوايا ان العلاقه حرام ف مش هرجع تاني وانا نفسي ابقى معاها من كل قلبي بجد محتاج نصايحكم ...عرض المزيد

4 الدعم

7 نصيحة

غلطة علمتني درس مهم مش هنساه

كنت صغيره لسه تقريبا اولي اعدادي و كان كل صحابي مرتبطين و بيحكو عن علاقتهم الاول كنت بقول ازاي و مش عارف اي و بعدين لقيت نفسي متقبله الموضوع و جت فتره نزلت لعبه اون لاين و بدأت واحده واحده اكلم الناس اللي عليها و كلمت في مره ولد وأعجبت بتفكيري اوي و عشان كان بيقولي كلام حلو أتثبت لانها كانت اول مره ليا حد يعاملني كده و حاول ياخد الانستا بتاعي كتير وانا رفضت و فضلت علاقتنا على اللعبه دي بس و كان حياتي كلها لعبه دي فضلنا ثلاث شهور بنتكلم وانا كنت متعلقه بيه بشكل مش طبيعي بيبعدها والدتي عرفت طبعا و منعتني من التليفون و من ساعتها علاقتنا انتهت تماما فضلت فتره طويله بفكر فيه و أتخيله في أحلامي لحد واحده واحده ما لهيت نفسي و اشتغلت في حاجات تانيه في حياتي و من ساعتها مقررتها و مش ناويه أقررها كانت غلطه مني بس اهم حاجه انها علمتني درس مهم اوي عمري ما هنساه ...عرض المزيد

9 الدعم

1 نصيحة

صدمة فراق علاقة أونلاين وأنا مكتئب

كنت في علاقه اونلاين مع واحده اجنبيه في فتره في حياتي كنت مكتئب وحزين ومش طايق الدنيا عادي فتره كلنا بنمر بيها اتكلمنا وارتاحنا لبعض لحد ما ارتبطنا والموضوع بالنسبالي كان ادمان كنت بعيش اليوم علشان اوصل للحظه اللي هتصل بيها ونتكلم وانسى همومي كنت بحبها اكتر من نفسي وكانت هي بتحسسني انها بتبادلني نفس الشعور والوعود بقى وكل حاجه حرفيا كاني عايش في حلم ومش عاوز حاجه تانيه غير ان احنا نتجوز وافضل عايش في القصه السعيده دي وفي الاخر بعد سنتين من ارتباطنا قالتلي ان هي فكرت في الموضوع بجديه اكبر ولقت انها حاجه صعبه جدا عليها تسيب بلدها واهلها وشغلها غير ان المستقبل مش واضح امتى فعلا هنتجوز وان هي زهقت من العلاقه عن بعد ومش حاسه ان هي في علاقه فعلا وما الى اخره الفكره كلها هنا اني في صدمه مش قادر اوصفها مش عارف اعيش حياتي مش عارف اكل مش عارف احس باي متعه او اي حاجه في اي حاجه حرفيا الموضوع وصل بيا لاكتئاب والموضوع صعب عليا جدا لاني لوحدي صحابي مركزين في حياتهم وانا مش في اولوياتهم خالص وبجد الموضوع اشبه بكابوس مش عارف اخرج منه ازاي محتاج فعلا نصيحه من حد مر بتجربه مشابهه لفراق شخص كان بالنسبالك كل حاجه ...عرض المزيد

2 الدعم

6 نصيحة