سؤال للشباب خصيصا لان هم فاهمين بعض انا عرفت شخص من خمس سنين ارتبطت انا و الشخص دا شهر واحد و بعدها فركشنا وبقينا صحاب طولللل السنين دي لكن هو مش بيعترف بحبه ابدا لكن بحس بيعمل كل حاجه كتصرفات معناها انه بيحبني لكن عمره ما قال ولما سالته قبل كدا زمان ليه مش بيقول قال انه خايف عليا خايف عليا من ايه وليه و مره تانيه سالته برضو قال ان احنا ارتبطنا شهر وفركشنا لكن واحنا صحاب فضلنا كل السنين دي مع بعض حصل قبل كدا موقف يعني شدينا شويه وقالي(انت عارفه ان مستحيل حد يفرقنا) ولما مره هزرت معاه من شهرين كدا تقريبا كنا بنتكلم واتس قولتله ماهو مستحيل نفضل خمس سنين مع بعض و في الاخر مانتجوزش دا يبقا عبط يعني قالي انا وعدتك بحاجه؟ قولتله لا بس امال احنا قاعدين مع بعض خمس سنين ليه😂 فا فضلنا ناخد وندي و هو كان بيقرأ ويقول اه ايوا اه بس ودا معناه انه متورط مش عارفه ليه حسيت كدا كانه مش عارف يقول ايه كانه متورط دا جزء من شاتنا انا: انت اللي متخلف لو بتكلم واحده خمس سنين ونص ومش بتحبها😂 يابني دا احنا لو كنا مخطوبين كنا اتجوزنا ولو متجوزين كان دلوقتي عندنا ٢ مثلا فا بلاش عبط هو:و لو مش مرتبطين كنا ارتبطنا انا:ماهو احنا لسه بندرس مش هينفع نرتبط هو:اصغر مننا و متجوزين ملهاش علاقة بالسن انا:الارتباط يعني خطوبه غير كدا عبط هو:و أنا قولتلك هخطبك بعد الجامعة علاطول ؟ انا:لا بس تبقا حركة نداله اوي لو فضلت معايا خمس سنين ونص وفي الاخر بعد ما تتخرج وكدا وتشتغل تروح تخطب وتقول باي انا خطبت هو: انت طبيعيه؟ انا:جدا سؤالي هو ليه بيعمل كدا ومش بيعترف بحبه و اتعامل معاه ازاي

2

33