اعرف ولد من ٢٠١٩ ، كنا صغيرين ساعتها و وقتيها كان هو معجب بيا من اول مره شافني فيها و حاول كذا مره يشوف طريقه يكلمني بيها ، وبالفعل حصل لكن كنت بصده دايما عشان مكنتش حاسه ان ينفع أكلمه كبرنا شويه و بقى كل كام شهر يرجع يكلمني مع اني بقوله لا منتكلمش ، كان دايما بيشوف حجج واعذار عشان نتكلم في أي حاجه جت ٢٠٢٣ و كنا قريبين اوي ساعتها ، يمكن خمس شهور كده كان كلامنا يوميا ، وبعدين قطعنا، حصل ليا ظروف كان هو أول شخص يكون جنبي و يمدلي ايد العون بصراحه و كان دايما بشوف انا بحب ايه و يعمله و يقلده و كان ليحاول يتماشى مع اللايف ستايل بتاعتي ، بشوف ايه الحاجات اللي مش بحبها في نفسي و دايما يذكرها انها كويسه كل ما جت الفرصه ، كنت حاسه ب حبه بصراحه من ٢٠٢٣ قطعنا نهائي ، مكناش بنتكلم خالص ، بنعرف اخبار بعض بس من الستريكس أو ستوريز أو كلام أخته عليا أو عليه السنه دي ، و في شهر تمانيه مثلا او أواخر سبعة ، عرفت أنه مرتبط ، مش عارفة هو كان مرتبط فعلا ولا كانت توكينج ستيدج أو يعني بصراحه معنديش فكره لكن هو كان بيكلم بنت الولد ده من ساعه ٢٠١٩ وانا كنت اول بنت اصلا يعجب بيها و يكلمها يعني الفيرست لاف و البنت دي يعتبر قعدوا مع بعض بس شهر او حاجه جينا في شهر ١٠ لقيته بعتلي ادد مفيش بينا كلام خالص لكن بينكشني كتير بس من بعيد ل بعيد مش قادره احدد هو ليه رجعلي تاني بعد البنت دي و بعد الفتره دي و خصوصا أن في ٢٠٢٣ انتهينا نهايه وحشه و هو رجع السنه دي عادي ولا كان فيه حاجه ومش قادره احدد إذا كان هو فعلا بيحبني ولا هو بس معتاد على أنه يحبني if you get what I mean الموضوع شاغل بالي اخر فتره..

1

4