ليه شكلي وحش في صور الكاميرا الخلفية؟

Question

انا عندي مشكله ممكن تكون تافهه بس الموضوع ده شاغلني …
انا ليه لما حد يصورني بالموبايل ف الكاميرا الخلفيه شكلي بيكون مش احسن حاجه …بحس بفرق عن الصور اللي بتصورها ف المرايه او السيلفي …رغم ان اللي حواليا بيشوفوا الصوره حلوه لكن انا لا …الموضوع ده حاسه انه هز ثقتي ف نفسي وقاعده بفكر يا ترى الناس بتشوفني كده فعلا انا بجد شكلي وحش ومعووج ف الصور الخلفيه وبحس اني مش حلوه رغم ان كل اللي حواليا شايفيين العكس 😔

Watermelon_69433 🇰🇼 · Answer

خلى عندك ثقه فى نفسك

Tofu_80395 🇪🇬 · Answer

الكاميرا الخلفية بتظهر تفاصيل البشرة والإضاءة أكتر فممكن تطلع عيوب بسيطة انتي مش واخدة بالك منها وصور المرايا غالبا بتتاخد في مكان فيه إضاءة ناعمة وده بيحسن شكل الصورة
أما الكاميرا الخلفية ساعات الإضاءة بتكون مباشرة أو جاية من زاوية غلط وانتي بتتصوري في المرايا بتبقى شايفة نفسك وبتظبطي ابتسامتك وزاوية وشك لكن في الكاميرا الخلفية مش بتشوفي نفسك فممكن الزاوية تبقى مش مناسبة

Tofu_80395 🇪🇬 · Answer

انتي مبتطلعيش وحشة… هي بس انتي متعودة على شكلك في المراية وده بيخلي الصورة العادية تحسسك إن شكلك مختلف

Marshmallow_76616 🇪🇬 · Answer

ممكن عشان مش انتي الي بتصوري نفسك، ايا كان الي بيصورك مش هيكون مهتم تطلعي حلوة في الصورة قد ما انتي تكوني مهتمة تطلعي بيرفكت فيها ومهتمة بزاوية التصوير ولو في حاجة غلط تعدليها وهكذا، يعني اكيد صورنا الجماعية شكلنا مبيطلعش حلو فيها زي السيلفي ف هي نفس الفكرة