هو ايه السبب أن العقل دايما متشتت وفي افكار كتير بتدور فيه وعلى طول ممكن اصحي من النوم وافتكر موقف واقعد افكر الموقف ده حصل في الحقيقه فعلا ولا كان حلم أو في خيالي بس لدرجه ان احيانا بسال الناس الي حواليا هو الموقف ده حصل فا احيانا بيكون اه واحيانا بيكون لا يعني الموقف ده كان حلم أو في خيالي بس وبرضو كتير اوي يحصل موقف قدامي وتلقائي بفتكر اني شوفت نفس المشهد ده قبل كده بنفس التفاصيل بنفس الكلام وعقلي يسرححح واقعد افكر الموقف ده شوفتو أمتي بالظبط كده او حد يقول كلام واحس نفسي سمعت نفس الكلام من نفس الشخص يعني شوفت الموقف قدامي قبل كده برضو وافضل مشتته وبفكر المشهد ده عقلي شافه فين قبل كده ولما اسال حد يقولي لا محصلش أو كده الحوار ده بقالو فتره كبيرة بيحصل معايا كنت في الاول بستغرب لدرجه اني ببقي شويه وعاوزة اعيط عشان اجمع ده حصل فين قبل كده وبحس أن دماغي دخلت جوا عالم تاني كده واحساس غريب اوي ودلوقتي ابتديت اتعود واسكب الحوار حد يعرف حل او ايه السبب

0

2