يمكن أنا فعلاً اتلخبطت، مكنتش فاهم هي بتحبني ولا بتحاول تسيطر عليّ، ولا ليه كل حاجة تخصني تهمها بالشكل ده. كنت بحس إن وجودها جميل بس تقيل، وإن اهتمامها مريح بس مرعب في نفس الوقت. بس لما بعدت شوية، فهمت إن اللخبطة دي كانت بسبب صدقها. هي مكنتش بتحاول تملكني، هي كانت بتحاول “تحفظني”، زي ما حد بيخاف يضيع منه أغلى حاجة في حياته. كانت بتحبني بطريقة فيها خوف، خوف عليا، وخوف مني، وخوف علي الحب نفسه. تسأل كتير لأنها بتفكر فيا طول الوقت، تزعل بسرعة لأنها بتحس بيا زيادة عن اللزوم، تغضب لأنها مش عايزة تخسرني. أنا كنت فاكر إن الحب راحة بس، بس اكتشفت إنه كمان قلق، وتفكير، ولحظات مش مفهومة. الحب الحقيقي مش بيبقى سهل، بيوجّع أوقات، ويريّح أوقات، بس دايمًا بيغيّر فيك. يمكن هي كانت بتحبني بزيادة، بس يمكن أنا اللي كنت بخاف من العمق ده. يمكن كنت محتاج وقت أفهم إن في ناس لما بتحبك، بتحبك وكأنك آخر أمل ليهم في الدنيا. 💔

0

1