ليه الإنسان ما يحسش بقيمته غير لما حد يشوفه بجد؟ هي قالتلي: "حب نفسك." وماكنتش مجرد نصيحة، كانت كأنها بتقول: "أنا شايفة فيك حاجة حلوة." كأنها شايفة النور اللي أنا فقدت الإيمان بيه، شايفة الطيبة اللي كنت فاكر إنها راحت للأبد، شايفة القلب اللي محتاج يحس إنه مهم، وإنه يستاهل. والتانية في الشغل؟ لما قالتلي: "إنت حساس." حسّيت إن الدنيا كلها ضدي… كأن كل اللي شايفه فيها بيقلل مني، بيحكم عليّ من غير ما يشوف اللي جوايا. وإني صدقت الكلام ده، وسمحت لنفسي أتعرض للإهانة… ده وجع ما أستحقهوش. اللي قاللي "حب نفسك" كان بيحبني، من غير ما يقول كلمة "بحبك"، كان بيشوفني قبل ما أشوف نفسي، يحذرني من اللي حوالي… يحاول يحفظ قلبي من اللي مش شايف قيمته. والأنا؟ اتأخرت… وصوتها جوايا بيفكرني كل يوم… إن في حد شاف حاجات حلوة فيّ، وإن اللي استهان بيا ماكانش شايف حاجة خالص. والوجع دلوقتي… مش بس في فقدانها، لكن في الحقيقة اللي فهمتها بعد فوات الأوان… إن اللي شايف قيمتك قبل ما تشوفها أنت… هو اللي يستاهلك… واللي ماشافش… ماكانش يستحقك أصلاً.

2

1