انا من رايي الشخصي بشوف اننا مديين الموضوع دا اكبر حجمه اوي ليه بناخد ان العلاقه بين الراجل و الست مين يفرض تحكمه على التاني و ازاي اقدر اسيطر على الطرف التاني و جو الالاعيب النفسيه دا ؟! و لا ليه كل واحد فينا بيجبر نفسه انه يتعامل بشخصيه غير شخصيته ؟! و كلنا بقينا بندور و نسأل البنت بتنجذب لأي شخصيه و الراجل بينجذب لاي شخصيه دا غير طبعا البنت بتنجذب الراجل الي شكله اي و الراجل بينجذب للبنت الي شكله اي لييييه دا كله فعلا !! ليه منتعاملش على طبيعتنا لو كل واحد فينا اتعامل على طبيعته و حب شخصيته و شكله هيلاقي النص التاني الي هيحبه كدا بالشخصيه و الشكل و الطباع دي امال ربنا خلقنا ليه باشكال و الوان و احجام و شخصيات مختلفه ؟!! ما كان خلقنا كلنا بشخصيه واحده و شكل واحد و طبع واحد و خلاص و لكن حكمته هنا انه يخلي كل واحد يختار الي يناسبه و يعرف يتعايش معاه اتمنى فعلا نسيبنا حوارات النسويه و الذكوريه لان فعلا كل الكلام ملوش اي تلاتين لازمه بالعكس دا خلى الطرفين دايما متحفزين و مخونين بعض و من جواهم دايما في صراع مع نفسهم في الأفكار الغبيه دي خليكم على طبيعتكم يا جماعه ارجوكم عشان دي حاجه انا بسميها ((الراحه الابديه )) ما هو مش معقول نبقى متجوزين مثلا و نعيش في الهبل عمركم ما هتلاقو بيت ماشي بالطريقه دي ابدا و لا حتى ابهاتنا و امهاتنا مكانوش ممشيين دنيتهم كدا مع بعض بالعكس خالص خالص للاسف الموضوع عايز كلام كتير اوي عشان نزيد من وعينا بس انا حاسس اني طولت على القارئ فأتمنى تكون الفكره وصلت و بعتذر ليكم على الاطاله 😅

6

0