من الحاجات اللي هطلع بيها من السنة دي، إني مش لازم أبقى إنسان مُراعي وجميل مع كل الناس. وإنّي مقبلش على نفسي أذى وأتحمّل وأعدّي من البداية، عشان ده غالبًا مش هيتقابل بمراعاة لمشاعري ولا احترام، بالعكس… هيبقى ضغط أكتر وأذى أكبر، تحت مسمّى إني اتحمّلت وقبلت. وفي الآخر أبقى “وحش” لما أقرر أرفض بعد سنة أو اتنين أو عشرة. اتعلّمت كمان إن في أوقات كتير مينفعش تكون طيب وبس. لازم يبقى ليك حدود واضحة، صريحة، وحازمة. اللي يحترم الحدود دي أهلاً وسهلاً، واللي ما يحترمهاش… في غيره ناس كتير تحترمها وتحترمني، والحياة بينا هتبقى أسهل وأهدى. محدّش يتحمّل على نفسه حاجة، لأن الحقيقة إن محدّش هيتحمّل على نفسه حاجة عشانك. خليك محترم، بس ما تكونش مستباح. وما تدفعش تمن طيبتك على حساب نفسك. واللي فعلًا حابب وجودي في حياتي يرفع من شأني ويحسسني ان الدنيا بخير ان ربنا كبير

4

1