متحكولي موقف أثر فيكم أو سر محرج مش عارفين تحكيه

Croissant_54262 🇪🇬

منذ 16 ساعة

شعور مكسور القلب

متحكولي اكتر موقف اثر ف حياتكم ف 2025 او سر مش عارفين تحكوا لحد أو موقف محرج حصلك ✨♥️ djdjsjdndjsjsjsjdjdjkskskskskdkdjdjdndnjfjfkdkdkdksjsjdjdjdjddjfjfjkdskskdkfjjfkdksksksjdjddjks

قصة الهش وكيف رزقه الله حسن الخاتمة

من اجمل مواقف حسن الخاتمه اللي مريت بيها ربنا يرزقنا جميعا حسن الخاتمه في شخص ف القريه بتاعتي اسمه ناصر الهش معرفهوش شخصيا ولا تعاملت معاه بس استوقفتني وفاته المهم الهش دا كان خطاط او رسام كان بيرسم حلو ع الحيطان مثلا وبيكتب لوافت وهذا كان معروف باسم الهش كان لما يكتب حاجه يمضي باسم الهش فيوم قومنا من النوم لقينا حوائط القريه كلها مرسوم عليها برواز ابيض ومكتوب فيه صلي على محمد رسم ع حوائط القريه كلها بيت بيت كل ماتدخل شارع تبص قدامك وراك يمين شمال تلاقي مكتوب صلي علي محمد عملها من غير ما حد يطلب منه ولا طلب مقابل عملها لله وسبحان الله امبارح سمعنا خبر وفاته الله يرحمه ويسكنه الفردوس ربنا لما يحب حد بيرزقه حسن خاتمه وبيسخرله اللي يدعيله حاول تعمل حاجه ف حياتك تكون سبب ليك ان ترزق حسن الخاتمه او نطق الشهاده هو سبحان الله عمله الاخير كان دا وهيظل يثاب عليه بعد مماته اعمل حاجه ف حياتك تجعل رصيدك من الحسنات يزيد بعد ممات اعمل اي حاجه حتى لو شايفها بسيطه الله اعلم ممكن تكون الحسنه دي سبب دخولك الجنه الله ارزقنا حسن الخاتمة واسف ع الاطاله تعديل البوست قديم ...عرض المزيد

21 الدعم

1 نصيحة

ذكرى لا تنسى مع جدي أحن شخص عليا

هي مش قصه على قد ما هو موقف هفضل فاكره طول حياتي انا كنت ف اولى ابتدائي مقدم ورقي ف مدرسه بعيد زي ماقلت قبل كدا بس ولازم اروح امتحن هناك الفاينل عشان مسقطش المهم كان ابويا طبعا ف الشغل الصبح مين هيوديني جدي الله يرحمه كان بيوديني المهم ابويا قاله ماشي هتفق مع سواق اسمه الجنايني هيقف كل يوم يستناكوا ع الطريق واركبوا ولما تخلصوا هرن عليه يجيلكوا انا كنت طفل وخايف ودا طبيعي رايح اشوف بلد جديده وناس جديده سواء طلبه او مدرسين كلها وشوش غريبه عليا وكنت خايف اوي بالذات ان ابويا مكانش هيبقا معايا ف موقف او وقت زي دا بس جدي الله يرحمه كانت حنيته تكفي بلد كامله حسسني بالامان ومحسسنيش ان في حاجه ناقصه كان بيحبني زي ابويا واكتر روحنا اول يوم مع السواق وكله تمام كنت متوتر شويه بس الامتحان عدي ع خير الحمدلله وابويا كان مروقني بسكوت وكيك وشوكولاته اول عياله بقا المهم جينا تاني يوم طالعين ع الطريق ومستنيين السواق كالعاده جه جدي بيسلم على واحد جارنا وانا شوفت السواق معدي سلم عليا ومشي مخدناش وانا مش عارف اي اللي خلاني ساعتها مقولش لجدي خلص سلام ع جارنا وبيقولي السواق اتاخر كدا لي قولتله دا لسه معدي من هنا وشاورتله بايدي قالي مقولتش لي وطلع يجري بيا لقدام على امل انه يلحقه بس هو طبعا كان مشي فالاخر جدي قرر ان احنا هنمشي شويه لقدام وبعدين نركب اي عربيه لحد هناك مشينا شويه وجت عربيه حمره وقفت لنا وانا ركبت وجدي كان تقيل شويه بسبب السن وكان بيطلع براحه ونزل تاني السواق ساعتها فكره ركب واتحرك وانا قاعد ساكت وعمال اقول بصوت واطي استنا استنا وطبعا محدش سامعني ولا حتى اللي راكبين حد فيهم فكر انه يتكلم وانا جالي فكره كرييتڤ جدا وهي اني انط من الباب وفعلا نطيت من الباب واتشقلبت عشان متعورش والسواق بعدها وقف وجدي كان بعيد عني بحاولي 50 متر كدا لقيته جري عليا فثانيه لقيته قدامي سبحان الله مش عارف جاب الصحه دي منين مع العلم انه ساعتها كان عنده 70 او 73 سنه من خوفه عليا جه جري وقعد بنظف هدومي هدومي ويقولي انت كويس اقوله اه حصلك حاجه اتعورت بها السواق بيقوله معلش يحاج مخدتش بالي تعالا اركب جدي طبعا هزقه وفرج عليه الشارع كله ومشاه وبعدها ركبنا عربيه تانيه واتاكدت المرادي ان جدي ركب قبل ما السواق يتحرك ودخلت الامتحان وحتى مش فاكر انا حليت كويس ولا لا بس اللي فاكره كويس ان جدي كان بيقعد يستناني ف الشمس ساعتين لحد ما اخلص الامتحان وخلصت وروحنا البيت ف النهايه حابب اقول ان انا عمري ما هنسا يوم 21/3/2024 دا يوم وفاه اغلى شخص واحن شخص عليا واكتر شخص كان بيحبني جدا وكان مصاحبني النهارده عدي 131 يوم على وفاتك وربنا يشهد ويعلم بدعيلك وهفضل ادعيلك قد اي ربنا يرحمك يغالي ❤ ...عرض المزيد

5 الدعم

3 نصيحة

لما حبيت حد ومكانش فارق معاه وقررت أركز في نفسي

اكتر موقف اثر عليا بالايجاب اني حبيت شخص بس الشخص ده كان غريب شوية يبين انو مهتم و شوية لا كان حالة كده لحد دلوقتي مش فاهمها حتي مثلا في الاول مكنش عندوه فضول نحيتي مش يمكن اكون قاتل متسلسل مثلا 😂 بس المهم في الاخر الشخص بعد تعلقي بيه الشديد اخترع اي مشكلة تافهة جدا عشان ننهي كل حاجة ساعتها ادركت اني مكنتش الاهمية الي كنت فاكرها عند الشخص ده انو فجاه كده يلا سلام بعد معاناه شهور كده بدات اخد خطوه اني ازود من قيمتي اكتر من كده من حيث اني اركز في شغلي و في نفسي و بس و فكرة الحب بقي و الكلام الجميل ده سايبه لربنا حتي اني مش مركز مين يفضل معايا و مين يمشي تقريبا الي بيتعبني بمشيه انا 😂😂 ...عرض المزيد

5 الدعم

2 نصيحة