مجرد فضفضه ممكن أرتاح شويه.. أنا تعبانه أوي من جوايا مبقتش عارفه أثق حتى في أقرب الناس و دا زعلهم مني مش بإيدي بس فعلاً شوفت كتير.. خذلان، فراق، كُره مش عارفه إيه سببه أنا مش وحشه والله أنا لو أقابل حد زيي عمري ما أضيعه من إيدي مش بعرف أكره ولا بعرف أجيب سيرة حد بالوحش ولا بعرف أحرج حد دا حتى لو حد ضايقني شويه بالكلام مش بعرف أرد ولو مره اتعصبت و ضايقت حد من غير قصد بفضل زعلانه من نفسي بخاف على مشاعر الناس وأنا ولا مره حد خاف على مشاعري كل إللي يعرفني كويس يقول عني حنينه وقلبي أبيض طب ليه؟!! ليه لما انا كدا محدش حبني ومحدش قريب مني هو أنا متحبش أو مستاهلش؟ ضيعت أحلى سنين مع ناس مش شبهي بس قولت مش عايزه أبقى لوحدي ودي أكتر حاجه غلط عملتها وفي الآخر برضو بقيت لوحدي وزياده على كدا إني طاقتي كلها خلصت.. عديت أسوأ أيامي لوحدي خرجت منها بعد تعب كبير ودلوقت رجعت لنفس الأيام ومش عارفه أخرج أنا إللي مكنتش ببطل ضحك وهزار بقيت انطوائية ومطفيه ودايمًا حاسه بوجع في قلبي ضوافري بتتكسرت وشعري بيقع شكلي بقى باهت والنوم بقى رد فعل لأي حاجه تحصل نفسي أعرف أعيط أو أكسر في أي حاجه موجوده زي زمان تعبت من كل حاجه عمري ما أنسى يوم ما مشيت في الشارع وأنا مش قادره أتنفس من العياط حتى أهلي مش قادره أتخطى خناقاتهم ولا ان بابا بيمد إيده على ماما قدامي ولا الدموع إللي شفتها بحس إني السبب وأنا مش ببقى عارفه أعمل حاجه وكمان بقالي فتره كل ما يحصل حاجه تزعلني بعـ ور إيدي ببقى عايزه أخرج إللي جوايا ومش بعرف غير بالطريقه دي وعلى فكره مش حابه ده وبرجع أزعل من نفسي بس كدا معلش طولت عليكم.

1

9