محتاجه دكتور نفسي بس مش عارفه أقول إيه في مجتمع جاهل

Ice Cream_30319 🇪🇬

منذ شهر واحد

شعور ضاق ذرعًا

حاسه ان لازم اروح لدكتور نفسي انا بجد محتاجه فعلا .بس اقول ايه عايشة في بيت ومجتمع جاهل شايف أن مش ممكن حد يكتئب أو يتعب نفسيا ويكون محتاج مساعده بجد ومش رفاهية . نفسي يفهموا أن ممكن نتعب بسبب كلامهم معاملتهم . ان اتربيت أن مينفعش اشتكي أو أضعف أو اعيط كله بيبقى جوايا انا بطبعي انسان لازم أفرغ اني بسبب تربيه غلط بستصعب اتكلم قدام حد و اروح اتكلم مع شويه برامج ذكاء اصطناعي يقولي ، أن كان لديك أي أفكار انتحار،ية هذه خدمه مجانيه للاستماع من قبل أشخاص مدربون ، انا بجد تعبت ممكن البعض يشوفني تافهة بس دي طاقتى وانا خلاص مش قادرة......

مش قادره اعمله بلوك وحاسه باني مؤذيه وضايعه

هو من الصبح مش بيعمل حاجه غير انه يبعتلي كلام مؤذي عشان سبته تاني وهو غير كل حاجه عشاني .. وانا بدات اصدق علي نفسي كلامه اني مؤذيه وبدأ يستغل كل علاقة عارفها عني ويقولي ان كل علاقاتي سواء بصحابي او الناس اللي مشيوا كانوا عشان عرفوا حقيقتي .. وانا مش عارفه ايه هي حققتي بس يمكن انا بجد مؤذيه وانا مش عارفه .. صعبان عليا وجعه وعماله اسمعه بس كلامه اذيني اوي .. ونايمه ف السرير من الصبح معرفتش اروح اي مكان وبصلي بالعافيه بس هو لسه مكمل رسايل ومش قادره اعمله بلوك انا حاسه بقهرته هو حاول سنين يعملي حاجات حلوه يمكن كان ناقصنا الجواز بجد … بس حتي ده كان صعب .. انا بموت من جوايا وضايعه وعماله اغرق ف كآبتي وشغلي ودراستي وكل حاجه حاسه انها هتنهار لاني مش هقدر بالوجع ده اركز ف اي حاجه … وخايفه يإذي نفسه .. وهو عمال يدعي عليا .. انا مش عارفه هرجع كويسه تاني ازاي وليه رجعت وعشمته كده وكسرت بخاطره…… هو عمال يقولي مش مسامحك وانا من كتر ما انا ف صدمة من كل حاجه بتحصل انا حاسه اني فاقده الادراك والمشاعر قاعده بس ف السرير بقوم واصحي ومش قادره صليت من شويه بالعافيه واهلي عمالين يتخانقوا معايا مالك ...عرض المزيد

1 الدعم

7 نصيحة

مشكلتي مع الكلام والرهاب الاجتماعي.. أعمل إيه؟

بقولكوا يا جماعه انا حاسس ان عاوز اروح لدكتور نفسي او ثيرابست عشان اعرف اتكلم في وسط الناس مشكلتي ان كنت مفكر ان مش بحب اتكلم مع الناس غريبه او مش بعرف اتكلم معاهم عشان مش عارفهم اتاريني مش بتكلم اصلا مع حد و ان مش بتكلم عشان خايف من الكلام و كنت مفكر ان معنديش رهاب اجتماعي بس طلع عندي و كل دا اكتشفته مع الوقت و المواقف لدرجه ان محدش بيلاحظني في القاعده عشان مش بتكلم بس و انا مش قولت لاهلي ان عاوز اروح لدكتور نفسي لكن ميعرفوش المشكلة لان مش عاوزهم يعرفوا و انا مش معايا فلوس اروح لدكتور نفسي ف لو حد يقولي اعمل ايه بدل ما تنا تايه كدا و حاسس المشكلة بتزداد صعوبه معايا و دا مسببلي مشكلة عويصه الفكره ان لو حد جه اتكلم معايا بقفل كلام معاه بسرعه علشان خايف الغبط في الكلام او معرفش اتكلم بسلاسه او ان اعرف ارد عليه ف حد ينصحني اعمل ايه و لا اروح وين و كل سنه و انتوا طيبين و عيد سعيد عليكوا جميعا ♥️♥️ ...عرض المزيد

9 الدعم

6 نصيحة

بحس حبهم مزيف.. مش عارفة العيب فيا ولا فيهم؟

هو طبيعي إن الواحد يحس بعدم تقبل لاصحابه لإخوانه بالمصارحه بكل حاجه جواك يعني بحس بالصد ديما منهم انا مش عارفه هو انا ب اوفر ولا لا بس والله انا جوايا كلام ع حاجات يشوفها ف مسلسل او حياتي عموما ببقي عايزه اتناقش اتكلم مع حد ف الحقيقة عندي اصحاب واخوات بس بحس حبهم مزيف او ممكن يكون حب بس مش لدرجه العشم ولا مره حسيت اني مهمه عند حد والله احساس صعب انا ببقي نفسي اشتكي كل دا لدكتور نفسي ببقي عايزه اعرف هو العيب فيا ولا ف اي لي انا مش قادره اتكلم ب اريحيه مع الي حواليا بفحر كتير اوي ازاي فيما بعد اروح لدكتور نفسي بس مش عايزه حد يعرف من اهلي وطبعا ك بنت رايحه فين جايه منين كدا بتكلم كدا فضفضه بجد الواحد مش عارف يعمل اي ولو اتكلم وقال كل حاجه انا عايزه حاجه تساعدني فعليا ...عرض المزيد

6 الدعم

3 نصيحة