محتاجه رأي في خطبتين ومشاكل غيرة وتحكم

Question

محتاجه راي كل شخص اكبر مني بجد 
انا بنت وحاليا اولى جامعه ومرتبطه بواحد اكبر منى بسنه و للاسف اخر فتره بينا مشاكل وعنده غيره زياده وتحكم زياده وبحس انى محبوسه وقولتله كدا كتير وهو مصمم وبيزعل بسرعه منى بس بيموت فيا فعلا وانا كمان كنت بحبه لحد ما حصل بينا مشاكل كتير وحبي بدأ يقل المهم دلوقت في واحد عاوز يتقدملى وماما بتقولي وافقي لانه احسن من إلى بحبه دا ماديا و كمان دكتور فالجامعه والتاني تمريض و دماغه وأسلوبه وأهله احسن من إلى كنت بحبه دلوقت محتاره اعمل اي للعلم مكمله مع إلى كنت بحبه عشان مكسروش وعارفا لو بعدت عنه هيدمر اعمل اي أو اجيبها بطريقه حلوه ازاى ولا اعمل اي مش هتخطب علطول احسن

Mango_88699 🇪🇬 · Accepted Answer

طب يا بنت الناس واحد متقدم لأهلك وظروفه كويسه وافقي ليه تتعبي نفسك وتعلقي نفسك بحبل دايب حرام اصلا تكلمي حد من ورا اهلك لو يقدر يتقدملك تمام مقدرش خلاص

Strawberry_89438 🇶🇦 · Answer

انا بقول سيبي الي انتي مرتبطة بيه وارفضي كمان الي الي متقدملك واستني واحد احسن من الاتنين ( انا اصغر منك بس قولت اقول رأي برضو )

Broccoli_89702 🇪🇬 · Answer

أول حاجة لازم تبقي عارفاها: الغيرة الزيادة + التحكم = تعب
مهما كان بيحبك ومهما كان بيموت فيكي الحب اللي يخنق مش أمان، والحب اللي يحسسك إنك محبوسة مش حب صحي.
تاني حاجة مهمة قوي
إنتِي مش مسؤولة عن نفسية حد ولا عن تدميره لو بعدتي
اللي بيحب بجد ما يضغطش ولا يربطك بالذنب عشان تكملي
كون إن حبك ليه بدأ يقل، وده حصل بسبب مشاكل متكررة، ده إنذار لازم   تسمعيه ما تكمليش علاقة بدافع الشفقة أو “ماكسرهوش

Moon_49500 🇪🇬 · Answer

ما تصلي استخارة كده وشوفي ربنا هيسير الحال في ايه بس قابلي اللي متقدلك دا ممكن يحصل قبول وأكيد هو أحسن من اللي بتحبيه لانه في الحلال

Avocado_89116 🇪🇬 · Answer

المشكله جيت ابعد عنه قالي اعمل اي يرضيكي ومتبعديش عني وعيط قولتله حقك عليا 🥲

Avocado_89116 🇪🇬 · Answer

جيت ابعد عنه قالي اعمل اي حاجا بس منبعدش انا بحبك وعيط وهو مع صحابه وقالي اعمل اي يرضيكي ي ست البنات ومتبعديش عني 😭