محدش مهتم… أيوه، أنا بكره السنة دي. سنة حسيت فيها إن كل حاجة بتضيع من إيدي. خسرت بنت يمكن كانت بتحبني بصدق… أو يمكن كنت أنا شايف كده. بس كانت دايمًا واقفة جنبي، بتشوف فيّ حاجة أنا نفسي مكنتش شايفها. كانت بتفكرني إني إنسان ليه قيمة، وإن اللي جوايا مش بسيط، وإن وجودي عمره ما كان حاجة عادية. كانت بتحاول تشدني من الحتة اللي كنت واقع فيها. كانت بتشوف إني أستحق علاقة أهدى… وأصدق… وأنضف. بس أنا؟ طلبت الانفصال… لأني كنت لسه متعلق بوهم تاني. وبعدين وفاة خالي كسرتني زيادة. وزميلتي في الشغل؟ ضحكت عليّ… خلتني أصدّق اهتمام مكنش حقيقي… حركات بسيطة، وضحكة باينة إنها مهتمة… ولون لبس مشابه… وأنا كنت غرقان في أي إشارة. اتخدعت في ناس كتير. ناس شككت فيّ وفي أخلاقي… ناس كانت بتتعامل بوجه، وتخبي وجه تاني. وفي الآخر، بعد كل ده… فهمت الدرس: محدش مهتم… وأنا كمان لازم أكون مهتم بنفسي قبل أي حد.

2

1