محدش هيسرق انتباهي مني.. تركيزي بتاعي

Cherry_76643 🇪🇬

منذ 6 أيام

شعور متوتر

انهارده كان عندي فكرة بعد فترة استنزاف لطاقتي طويلة علي مدار سنين .. انه كل ما تركيزي يروح ف حتة بعيدة عن اللي انا عايزاها .. اقول لنفسي محدش هيسرق انتباهي مني .. تركيزي بتاعي وهخليه ف المكان اللي عايزاه .. محدش يقدر يسرق انتباهي مني لانه ملكي انا اللي بديه للاماكن اللي احددها واختارها .. كده كده مخي هيسرح بس لنا برده هرجعه تاني وتالت وعاشر .. هيحتاج مجهود بس هتعود مع الوقت انه خلاص .. ركزي هنا يعني هنا وبس لا مع ديه ولا مع ده لا مع نفسك وشغلك وبس لان محدش من اللي بيسرقوا تركيزك هينفعك او هيعبرك حتي اقرب الناس مش مسموح باختراقهم كل اوقاتي في وقت خاص بيا وبحياتي لانه مسؤلية حياتي بالكامل عليا بعد ربنا

جبت دبلة وأنا سينجل عشان أسيطر على نفسي

جبت دبلة وأنا لسه سينجل. يمكن أي حد يشوف الموضوع غريب أو يفتكره هزار، لكن الحقيقة إني عملت كده عن قصد. أنا مش مرتبط، ولا في حد في حياتي دلوقتي، بس الدبلة بالنسبالي بقت رمز وحدود. رمز إني مش عايز أسيب مشاعري تتحكم فيا، وحدود تمنعني من إني أضعف أو أدخل في حاجة ممكن تضرني خصوصًا في الشغل. فيه أوقات بنبقى محتاجين نستخدم طرق غريبة عشان نسيطر على نفسنا، وأنا اخترت الدبلة. كأنها reminder يومي إني لازم أكون عاقل أكتر من إني أكون مندفع. عارف إن قلبي ساعات بيتعلق وبيغلط، وعارف إن ممكن أي كلمة أو موقف بسيط يخليني أرجع ألف وادور حوالين مشاعر مش من حقي أعيشها. علشان كده قلت لازم أحط حاجز واضح. يمكن من برة الناس تشوفها مجرد دبلة، بس أنا شايفها وعد لنفسي. وعد إني مش هخلي مشاعري تسيطر عليا، وعد إني أكون مركز على مستقبلي، وعد إني أحافظ على مكاني وكرامتي بعيد عن أي مشاكل. الدبلة دي مش معنى ارتباط، بالعكس، دي إعلان إني محتاج أركز على نفسي الأول، يمكن كمان تكون وسيلة حماية من نفسي قبل ما تكون من الناس. في النهاية، ده اعتراف صريح: أنا جبت دبلة علشان أهرب من مشاعري، وأفكر نفسي كل يوم إن في حاجات أهم من أي تعلق مؤقت. ملحوظة انا راجل تعبت ...عرض المزيد

3 الدعم

5 نصيحة