مدمن على حاجة مكسوف منها وعايز أتخلص منها

Question

انا بقالي فترة داخلة علي السنتين تقريبا مدمن علي حاجة انا مش عايزها  ومش حاببها ومكسوف منها وعارف لو حد عرف اني بعملها سواء صحابي أو اهلي يتغير نظرتهم لي جدا،جربت امتنع عن دا مدة لكن بقع وبعمل كدا ثاني ،بقع وبعمل كدا ثاني لو حسيت بملل أو عايز احس بالمتعة اللحظية المؤقتة ،حاسس بمدي تأنيب الضمير الكبير من أسباب كدا اني يبان عليا طالب متفوق مؤدب مش بتاع مشاكل مش معروف بحاجة وحشة لكن لو حد شاف الي بعمله في الموبايل يتغير نظرته ليا،احساس انك ضعيف قدام حاجة وعارف انك ضعيف قدامها احساس وحش جدا
آسف على الرسالة الطويلة دي  بس عايز حد ينصحني اعمل ايه وازاي اعالج الإدمان دا
مكسوف اقول ايه نوع الإدمان دا لاني زعلان جدا اني مدمن علي كدا ومكنتش اتوقع اني هدمن علي كدا قبل ما اعمل كدا

Cookies_57780 🇪🇬 · Answer

اظن انك تقصد اباحيه، عالعموم سواء اباحيه او غيره الإدمان بينتج بسبب انك بتهرب من مشاعر معينه، انا بالجمله دي اختصرتلك مجهود كبير اوي انته الي عليك انك تقطع جذر الإدمان الي هو المشاعر و المواقف الي بتخليك تتجه للادمان اصلا ، اعرف انته ليه بتتفرج عالكلام ده بتحاول تهرب من ايه و حاول تحل المشكله بدل م تهرب، سواء وحده او توتر او اياً كان، لو حليت المشكله الموضوع شبه خلص خلاص، بالتوفيق يا بطل 💪🏻

Watermelon_88765 🇪🇬 · Answer

المشكلة عندي هو اني مدمن علي تطبيقات التعارف بمعني اصح عايز اتعرف علي بنات سواء مصريات أو أجانب قبلها كنت بتفرج علي إباحية شوية لكن وقفتها وكان سهل أوقفها لكن تطبيقات التعارف التخلص من الادمان دا صعب بالنسبالي لاني لسة مراهق ١٧ سنة عندي مشاعر عاطفية وج.سية تجاه الجنس الآخر كبيرة ولما اتجوز محتاجة وقت ولسة بدري علي كدا وكمان عايز اهتمام ودعم عاطفي افتقدته في  طفولتي لذا  بدخل في علاقات محرمة