مسؤولية الأب في الصرف على الأولاد... ولاية متى تنتهي؟

Pistachio_71160 🇪🇬

منذ 4 أيام

شعور مهتم

عندي سوال بيجي في بالي بس اتمنى كل حد يشارك من منظوره وحياته هل الاب مسؤول عن انه يصرف على اولاده لغاية ما يقدروا يشتغلوا ومش مهم اي حاجة تانية زي نفسيا وكدا ولا هو مسؤول عن اولاده حتى بعد ما يبدأوا حياتهم وايه السبب اللي ممكن يخلي الابب يقرر يمشي ويسيبك حتى لو معملهاش بس بيفكر في مهرب من حياته معاك كانك ملكش صلة بيه ايه ممكن يكون سبب في دا وشعور دايما وهو قاعد جمبك انك مش مهم المهم يعمل الواجب اللي عليه وخلاص انه يديك اللي تحتاجه ماديا بس

بابا نعمة كبيرة وأنا مقصرة معاه.. حاسة بالعجز

بابا بجد شخص عظيم، من الناس اللي ربنا بيحط فيهم الرحمة والصبر من غير حدود. مش عارفة ليه ربنا يرزقه ببنت دايمًا عاملة له مشاكل، ومتعبة له نفسيًا، وحاسّة إني فاشلة في حاجات كتير، وأكتر حاجة واجعاني إني تقريبًا معملتش له حاجة تفرحه أو تريّح قلبه. الغريب إن رغم كل ده، عمره ما قصّر معايا، ولا حبّه قل، بالعكس… كل ما أغلط نفس الغلطة للمرة الألف، ألاقيه بيعدّي وبيحتويني وكأن ولا حاجة حصلت. صبره عليّ أكبر من أي ذنب، وقلبه أحنّ من أي عتاب. يمكن أكتر إحساس بيوجعني إني حاسة إني ظالماه، وحاسة بالعجز… كل ما أحاول أفرحه أو أعوّضه عن تعبه معايا، بفشل، زي ما بفشل في حاجات كتير في حياتي. بس الحقيقة اللي متأكدة منها إن بابا نعمة كبيرة، ووجوده في حياتي لوحده كفاية يخليني أحمد ربنا كل يوم، حتى وأنا مقصّرة. يارب ادّيني القوة إني في يوم أكون سبب فرحك، ولو جزء صغير من اللي بتقدمهولي كل يوم🥹💗 ...عرض المزيد

5 الدعم

9 نصيحة

بابا مش حاسس بيا.. عمرى ما جربت دلعه

دايما بسمع إن البنت دلوعة باباها وان هو اول حب فى حياتها واكتر حد بيخاف عليها وعلى زعلها بس انا بسمع بس لكن عمرى ما جربت كل المشاعر والأحاسيس دى مع أنه الاسم موجود بس هو مش شايفنر اصلا ولا عمره حس بيا ولا حسسنى انى بنته حبيبته إلى بيخاف عليها من الدنيا كلها عمره ما خدنى فى حضنه انا لما بشوف اب بيحضن بنته يستغرب هى ازاى عارفه تحضنه وازاى مبسوطه وازاى هو بيحضنها عادى مبيحسسهاش انها آله المفروض تسمع كلامه وبس من غير طبطبه ولا حنيه لما باجى ابص على حياتى كلها بلاقى ان اكتر زعل زعلته وعياط كان بسببه ازاى مش يصعب عليه ازاى قلبه جامد كده اوقات كتير ببقى نفسى اسأله هو انت بتحبنى ولا مجبر على وجودى عادى ...عرض المزيد

8 الدعم

7 نصيحة