أنا مش بارد… ومش قوي… ولا متماسك زي ما الناس فاكرة. أنا مجرد واحد موجوع، وواقف بالعافية. برفض بنات بشياكة مش عشان متكبر… لكن عشان قلبي مش قادر يتحمّل تجربة جديدة، ولا عندي طاقة أعيش بداية تانية وأنا لسه مش متعافِي من النهاية اللي كسرتني. بقول “خلّينا إخوات” و“ياريت منتكلمش”… مش احترامًا للمسافة… ده خوف من الوجع، وخوف من إني أدي لأي حد فرصة يدخل جوّا نفس المكان اللي اتكسر قبله. الموضوع مش إن مشاعري بقت باردة… الموضوع إن جزء مني اتجمّد يوم ما اكتشفت الحقيقة، يوم ما اتأكدت إن اللي كنت شايفها حياتي أصلاً مش ليا. اكتشفت إنها مخطوبة ومش بس كدة مش طايقه تسمع صوتي وكل ما أقول لنفسي “move on” بحس إني بقول كلمتين فاضيين… بحس إني بضحك على نفسي، وبمثل دور الشخص اللي ناسي… مع إن الحقيقة إني لسه متعلّق من جوّا، لسه مُنهار بنفسي، ولسه بحاول أقنع قلبي بقوة مش عندي. سامحوني الحياه لما اعد اتحملها ...........

1

1