مش بتدعي عليه ليه؟ هو عملي ايه وجعني وكسرني؟

Guava_89879 🇪🇬

منذ 5 أيام

شعور مرهق

مش بتدعي عليه ليه؟ وادعي ليه؟ هو عملي ايه؟ وجعني؟ كسرني؟ استاهل تستاهلي؟! ايوا طبعاً استاهل، عشان انا اللي من الاول فتحت باب للعلاقه دي وانا عارفه انه مكنش ينفع، انا اللي دخلته في تفاصيل يومي وسمحتله يقرب مني وفوق دا كله انا اللي غلطانه اني اتعلقت بيه بس هو اللي قرب منك الاول وحاول كتير وانتي كنتي بترفضي بس في الاخر وافقت وقبلت اللي يشوفك دلوقتي ميشوفكيش اول ما حكتيلي عنه وانا بقولك هتحبيه وانتي بتزعقي وتقوليلي لاء ومستحيل ومش شبهي ومش استايلي ومش حاجات كتيرة وتحكي كمان كل عيوبه شوفتي بقا انا كنت شايفه كل عيوبه وعارفه انها عيوب وعارفه انه مش شبهي بس بردوا حبيته،اصل انا شوفته بعين قلبي ومازلت يعني انتي شايفه انه مش غلطان في حاجه؟ ربنا اللي يعلم بقا بغلطه بس انا مسمحاه بس يارب ربنا يسامحه وفعلا من قلبي والله يارب ربنا يسامحه

اتخدعت في كل حد حبيته وصحابي استغلويا

اتخدعت في اقرب صحاب ليا و كنت بحبهم جدا و مقدرش ابعد عنهم و كنا علي طول مع بعض و هما بصراحة كانوا بيعملوا حاجات تبين قد ايه هما مش سالكين بس انا اللي كنت مغفلة و بطنش عشان بحبهم كانت مامتي مش بتحبهم وانا كنت بفضل اتخانق معاها و اقولها متتكلميش عنهم كده دول صحابي و بحبهم و مش بحب حد يتكلم علي حد بحبه وحش. و كانوا هما السبب بردو في اني طول الفترة اللي كنت صحبتهم فيها كنت بعيدة عن اهلي جدا و مش بحكيلهم اي حاجة عن يومي او عن صحابي و واحدة واحدة بقيت احس انهم مختلفين بيخرجوا مع بعض كتير من غيري عندهم اسرار مع بعض مش بيقولولي عليها بيتريقوا عليا ساعات و كانوا رغم كل ده يفضلوا يفهموني ان انا صحبتهم جدا و هما بيحبوني اوي و هما كانوا مع اول حد جديد يقربوا منه بيبعدوا عني و مش بيفتكروني غير لما الشخص ده يكون مش موجود و كانوا بيخلوني معاهم بس للاحتياط عشان انا شاطرة في الدراسة فكانوا بيستغلوني في الامتحانات مع اني مكنتش بحب اغشش حد بس هما كانوا بيستغلوا اني مش بقدر اقولهم لأ و بتكسف و كانوا ساعات تانية بيستغلوني ماديا ده غير اني كنت في حاجات كتير اوي بحبها و مش بقولهم اني بحبها عشان زوقي مختلف عن زوقهم و خفت يتريقوا عليا و فضلت فترة كان في بنت مش بحبها كلهم صاحبوها و بقوا يخلوها تخرج معانا وانا عشان مكانش عندي صحاب تانيين كنت بضطر اقعد معاهم و مع البنت دي و كانوا بيحسسوني ان هم اللي شلة مع بعض وانا اللي غريبة و كانت ساعات البنت دي تتريق عليا و كلهم بيسكتوا مع ان لو حد كان بيتكلم عليهم وحش انا مكنتش بسكت و مرت الايام و البنت دي طلعت شخصية زبالة و غدرت بيهم كلهم ساعتها رجعولي بعدها بسنتين واحدة منهم اللي هي كانت اكتر واحدة بتستغلني فيهم اتعرفت علي بنت في المدرسة و كانت دايما معاها مع ان المفروض يعني انا كنت الbest friend بتاعتها بس كانت طول ما احنا في المدرسة كأنها متعرفنيش و حتي لو رحت اتكلم معاها تتخانق معايا و بعدها في الدروس عشان صحبتها دي مكنتش معانا كانت ترجع تتعامل معايا عادي و انها قد ايه بتحبني و بتموت فيا و هكذا كل يوم و انا فضلت فترة مكتئبة بسبب الحوار ده لحد ما اتعرفت علي بنات تانيين و كانوا بجد زي العسل و اكتشفت اصلا انهم في الاول مكانوش بيحبوني مش عشان انا عملتهم حاجة او عشان انا شخص وحش انما عشان انا كنت صاحبة البنت دي و انهم لما اتعاملوا معايا طلعت كويسة و فضلوا يقولوا انهم قد ايه مستغربين ان انا ازاي مصحباها و مع الوقت بدأت فعلا ان انا افوق لنفسي و اشوف القرف اللي هي بتعمله و حتي لما قطعت معاها و مع واحدة تانية من الشلة محدش فيهم فكر حتي انه يسأل عليا او يشوف بطلت اتكلم ليه او اي حاجة هما بس لقوا ان انا مش ببدأ كلام فخلاص بقي ما صدقوا و طبعا كان بيوصلي كلام بعدها بسنين حتي انهم بيتكلموا عليا و بيجيبوا في سيرتي و بيتريقوا عليا بس هو لو الواحد طبعه زبالة مش هنقدر نغيره و فضلت بعدها فترة طويلة معنديش صحاب و بخاف اعمل صحاب عشان مش عايزة اعيش نفس التجربة تاني و حتي لما عملت صحاب مبقتش بثق فيهم و متمسكة بيهم زي ما كنت بعمل قبل كده و بقيت عادي جدا ممكن استغني عن اي حد ودمروا ثقتي في نفسي و في الناس و سبحان الله الناس اللي كنت خايفة اقطع علاقتي بيهم مع انهم toxic بس لمجرد اني خايفة ميبقاش عندي صحاب بعدهم بقي عندي صحاب احسن منهم مليون مرة و سبحان الله كمان البنت دي كل صحابها بعدوا عنها دلوقتي و مبقاش عندها صحاب ...عرض المزيد

14 الدعم

4 نصيحة

وجع قلبي مبيخلصش.. وكلامي مبيعرفش يطلع

وفي عيني كلام حزين .... وبداخلي شوق اذاب القلب حزنا... وليس الهجر يؤلم ولكن الكلام يوجع ساعات بتبقى عايز تحكى بس الكلام بيرفض يخرج من صدرك وجع رهيب في قلبك دايما وحيد رغم الكل جمبك تايه في نفسك مش عارف ايه يرضيك ولا عارف ليه دايما الالم ماسك فيك ، بتسهر ليل طويل ساكت سهران بس علشان تعبان وفى ايام كتير نايم بتهرب من الوجع بس حاليا النوم ما بقاش بيفيد نفسك ف حد يفهمك من غير متشرح لكن مفيش وانت ما بقتش تحاول في آخر اليوم بتلم شتات نفسك وتبدا تنزل دموعك على مخدتك وتنام عاجز رغم ان شعور رغبه دايما مفقود حتى وانت بتكتب دلوقتي مش عاررف بتكتب الكلام دا ليه يمكن حبيت تتطلع للى جواك في بوست حزين مش مهم حد يشوفه ...عرض المزيد

9 الدعم

2 نصيحة