بعد اللي حصل طول السنة دي، اتعلمت الدرس كويس. اتعلمت إن كلامي مع البنات لازم يكون مختصر وواضح، لأن أبسط كلمة ممكن تتفسر غلط، ومشاعر الناس مش لعبة. اللي ربّوني علّموني أفرق بين الحلال والحرام، وإن العلاقات اللي مفيهاش نية صافية هي مجرد تسلية، وبتأذي النفس والروح أكتر مما بتسعدها. اتربّيت على إن الكلمة مسؤولية، ولما أقول "بحبك" أو "أنا معاك" لازم أكون قدها فعلاً، مش مجرد كلام لحظة إعجاب. واللي بحبها بجد، هدخل بيتها من الباب، مش من طريق غلط ولا وعود فاضية. علشان كده دلوقتي مش جاهز، ومش هدّي لحد أمل وأنا مش قادر أكمّله. أنا مش من النوع اللي يقرّب لمجرد الفضول، ولا أفتح باب مش ناوي أكمله. لو حبيت بنت بجد، هدعي ربنا، لأن لو هي خير ليا، ربنا هيسخّر الكون كله عشان يجمعنا على خير، ولو العكس، يبقى البُعد رزق وسلام. يمكن أكون دِقّة قديمة، بس أنا مؤمن إن اللي يصحّ هو اللي يفضل. وبنات الناس مش تجربة، ولا مشاعر تتجرب فيها الحكاية. النية أهم من الكلام، والصدق هو الأساس، ولسه عندي يقين إن اللي مكتوب ليا… هيجي في وقته الصح ❤️

5

1