يا جماعه فى موقف انا مش عارف اخد قرار فيه اتمني حد يساعدني انا شغال فى مكان فيه مهندسه أصغر مني سنا بس أكبر مني كمكانه فى الشغل لأنها تعتبر نائبة المدير برضو هيا بتحب دايما يتقالها يا بشمهندسه او يا افندم او حضرتك بس الموقف هو انه انبارح اتكلمت معاها فى حاجه فى الشغل بعد ساعات شغلها بامانه فمن ضمن الكلام انه حصل انه فهمتني غلط فى نقطه فقولتلها يا بنت الناس افهميني راحة قالتلي يا استاذ ... خلى بالك من كلامك او يا استاذ ... اقفل روحت قولتلها في ايه قالتلي خلص الكلام على كدا ولو مقفلتش هقفل السكه فى وشك وعملت كدا فعلا روحت بعتلها على الواتس قالتلي متتكلمش معايا تاني وانا والله ما هرد وتقريبا راحت مسحت رقمي على الواتس لانه مبقاش يظهرلى الصوره اللى حطاها وللامانه هيا اكتر شخص وقف معايا قبل كدا فى مواقف وبنت جدعه ومتربيه جدا انا مش عارف اخد قرار ومش عارف اعمل ايه لانى هقابلها فى الشغل اول ما اروح اتمني تساعدوني .. وجزاكم الله خيرا

0

3