حصلت حاجة النهاردة جديدة.. أكتر نصيحة اقتنعت بيها على البوست اللي فات كانت اني أكلم صاحب المحل وأحكيله عشان يمشيها بدل ما تعكس هي الكلام وتخلي منظري اتا انلي وحش.. النهاردا رايح وفي نيتي هعمل كدا.. وصلت وبدأت شغل ومختصر معاها الكلام خالص والرد على قد السؤال ولو هي واقفة في مكان بتعمد أقف في مكان تاني عشان ما يبقاش فيه أي تعامل بينا ولما تدخل المطبخ أو الحمام بطلع أقف برا عشان الكاميرا تبقى جايبة كل حاجة ومستني صاحب المحل لما ييجي وهحكيله.. المهم دخلت هي الحمام وانا طالع برا سمعت صوت حاجة بتقع وصويت فطبعا دخلت بقولها انتي كويسة لقيتها اتزحلقت على الأرض عشان كان فيه مياه ورجلها مطبقة ومجزوعة جامد ومش حاسة بيها.. طب ايه الحكاية طب حاولي تقومي طب هسندك مش قادرة تتحرك رحت شايلها وطالع بيها جنب المحل فيه مستشفى على أول الشارع، خدتها الطوارئ طلع فيه شرخ وكدمة جامدة ولازم ترتاح، المهم الدكتور طمنا بس قال ما تحملش على رجليها خالص. قلتلها طب أطلبلك عربية وتروحي قالتلي مش عايزة أروح انا هقعد في المحل بس هرتاح مش هعمل حاجة سندتها وراجعين للمحل وطول الوقت عمالة كأنها متعمدة تلزق صدرها في ايدي كإنها بتسند عليا يعني بس انا حاسس انها متعمدة وصلنا المحل والدنيا تمام الدكتور كتبلها دهان كدا تحط منه على الكدمة الفكرة انها لابسة فستان والكدمة في فخدتها فوق والألم مخليها مش عارفة تتحكم عشان ايديها كمان اتخبطت وهي بتحاول تسند.. وخلتني أساعدها في الدهان وكدا وبتاع. ف انا مش عارف أعمل ايه برضه.. الحقيقة صعبت عليا عشان معندهاش مصدر دخل وماسكة البيت عندها وفي نفس الوقت الشيطان مش سايبني في حالي حد فاهم حاجة؟

0

2