بعت الكلام ده ل شات جبت وقالي ان ده اكتئاب مزمن وهوا السبب في افكار الانتحار اللي عندي ولازم اروح لدكتور نفسي فمش عارف بصراحه اصدقه لان اصحابي قالولي اني معمولي عمل وهوا السبب ف الحياه اللي انا عايشها وده الكلام اللي بعته لشات جبت " انا حاسس ان اللي فيا ده ادماني الشديد لاي شهوه بفرط رهيب يعني مثلا الاكل وصلت لاقصى درجات حب الاكل والاسراف فيه لدرجة اني بقالي خمس سنين باكل كل يوم اكل وارجعه عشان افضي بطني لأكل تاني وممكن اكل حله كامله بعدين ارجعها واكل بقي الاكل الصحي بعدها عشان مرجعوش وعارف ان دي مشكله نفسيه اسمها بوليميا و كمان مسرف جدا ف التسالي واي نوع اكل ف الدنيا ومبقدرش اتحمله فبطني فبرجعه ، تاني حاجه الشهوه الجنسيه وهيا اني بوصل لاقصى درجات الادمان واقصى درجات الانحراف يعني قبل الجيش كنت ممکن افضل استمني ٨ ساعات وطول الوقت ده بستخدم كل المحتوى والمحادثات اللي ممكن تثيرني ف الدنيا وممكن اعمل كدا مرتين تلاته ف اليوم ومش بشبع وده وصلني للملل الشديد وكره اي حاجه طبيعيه بقيت منحرف لاقصی درجه ، وهكذا في باقي الشهوات بقيت مسرف جدا ف اللعب والتيك توك واي حاجه ممتعه, كمان في حاجه غريبه وهيا اني بقالي مثلا خمس ست سنين تقريبا مكتئب وده عرفته من كلام الناس عني لأن كل اللي يشوفني يقولي كدا لاني طول الوقت مرهق نفسيا وزعلان وخايف وقلقان وقرفان وزعلان ومكتئب جدا لغاية دلوقتي ومبعرفش اتأقلم على اي ظروف ومكنتش مستوعب ان فيا مشكله اصلا ومفكر تمني الموت ده طبيعي عند الناس كلها وعايش حياه تعيسه حرفيا بستغرب لما اشوف الناس بتضحك ، وممكن يكون ده سبب افراطي ف الشهوات بس انا فعلا مرهق اوي ومكتئب اوي من زمان وتعبت ولغاية دلوقتي معروف اني كئيب ومش عارف اغير نفسي مع اني قربت من ربنا قد ما قدرت وبصلي ومنتظم ف الاذكار والقران وروحت لدكتور نفسي قبل كدا لما كنت حاولت انتحر بس لقيته غالي ومكانش معايا فلوس اكمل معاه فانا دلوقتي مش عارف السبب نفسي ولا ممكن يكون سحر واعمال بس انا كل امنيتي اني ابقي طبيعي زي الناس

0

7